×

បុរសម្នាក់​ស្លៀកពាក់​ជា​តាណូអែល​ដើម្បី​ជួយស្ត្រីម្នាក់​ដែល​ត្រូវប្តី​រត់ចោល​បន្សល់​នូវបំណុល​យ៉ាងច្រើន

ម៉ាឡេស៊ី៖ បុរសម្នាក់ត្រូវបានមហាជនកោតសរសើរនូវអំពើល្អរបស់លោកដែលបានជួយសង្គ្រោះគ្រួសារមួយដែលស្ត្រីជនជាតិឥណ្ឌាម្នាក់ត្រូវបានប្តីរត់ចោលបន្សល់កូនតូចៗ២នាក់រួមជាមួយបំណុលជាច្រើន។ បុរសដែលមានគណនីបណ្តាញសង្គមឈ្មោះ Uncle Kentang បានស្លៀកសម្លៀកបំពាក់តាណូអែល ដើម្បីលើកទឹកចិត្តដល់ស្ត្រីដែលកំពុងជួបបញ្ហា និងមានបំណងនាំកូនៗបញ្ចប់ជីវិតដោយសារសម្ពាធធ្ងន់ពេក។

យ៉ាងណាមិញ លោក Uncle Kentang បានជួយលើកទឹកចិត្ត និងសន្យាថានឹងជួយស្ត្រីរូបនោះឱ្យរួចផុតពីបំណុលដែលលោកបានបញ្ជាក់ថា នេះជាកាដូសម្រាប់ថ្ងៃបុណ្យណូអែល។ ការសន្យាមួយនេះមិនមែនបានន័យថា លោកនឹងជួយស្ត្រីមេម៉ាយរូបនោះដោយការយកប្រាក់ដោះបំណុលជំនួសឡើយ ផ្ទុយទៅវិញជាការជួយចង្អុលបង្ហាញចាប់ផ្តើមមុខរបររកស៊ីមួយឱ្យដំណើរការដើម្បីបានប្រាក់មកដោះបំណុល និងផ្គត់ផ្គង់ជីវភាព។

លោកបានឱ្យដឹងថា ទោះបីលោកមិនមែនជាតាណូអែលដែលអាចឆ្លើយតបនឹងសំណើរទៅកាន់មនុស្សគ្រប់គ្នាបានក៏ដោយ តែលោកនឹងមានវត្តមានក្នុងឱកាសពិសេសណាមួយ។ គួរបញ្ជាក់ដែរថា បុរសរូបនេះបានចែករំលែកសកម្មភាពជួយគ្រួសារដែលខ្វះខាតបានយ៉ាងច្រើនកន្លងមក រីឯការជួយស្ត្រីដែលកំពុងជាប់បំណុលយ៉ាងច្រើននេះបានផុសនៅលើផេកបណ្តាញសង្គមលោកកាលពីថ្ងៃទៅ០២ ខែមករា ដែលទង្វើរបស់លោកបានធ្វើឱ្យមនុស្សជាច្រើនកោតសរសើរជាខ្លាំងផងដែរ៕

អ្នកអាចចែករំលែកដោយ៖

អត្ថបទទាក់ទង
turkce.yurtdisi-fx.comagario paper.io 2 agarioTürkiye’den İngiltere’ye eşya taşıma gebze evden eve nakliyat
zonguldak son dakika