ផ្លឹស-ខេអេក ញូវ

គ្រួសារ និងមិត្តភ័ក្តិនាំគ្នាលេងឈុតធំដង្ហែភ្លេងឆៃយ៉ាំពីណាពីណីមកសម្រាប់ថ្ងៃកំណើត សុភ័ក្ត្រ កុសុម៉ា ឆ្នាំនេះ

កម្សាន្ត
January 5th, 2022 (3 years)
Views: 231
Share

ភ្នំពេញ៖ ភាពក្រមិចក្រមើម សម្ដីកំប្លុកកំប្លែងចាក់ទឹកមិនលិចរបស់ពិធីការិនីរូបស្រស់ក្នុងកម្មវិធី 3.2.1 Action របស់ស្ថានីយទូរទស្សន៍ MyTV បានធ្វើឱ្យតារាស្រីរូបនេះ ទទួលសន្ទុះនៃការគាំទ្រលឿនត្រឹមមួយប៉ប្រិចភ្នែក។

ដោយសារភាពរួសរាយរាក់ទាក់របស់នាង បានធ្វើឱ្យសិល្បករ ក៏ដូចជាអ្នកគាំទ្រជាច្រើនស្រលាញ់រាប់អានជាខ្លាំង។ ដូចនេះហើយទើបរាល់មានកម្មវិធីម្តងៗ តែងមានវត្តមានតារាស្រីរូបនេះចូលរួម និងការផ្តល់កិត្តិយសត្រលប់មកវិញនៅពេលដែលនាងមានកម្មវិធី។

ជាក់ស្តែងនៅថ្ងៃទី០៥ ខែមករា គឺជាថ្ងៃកំណើតរបស់ សុភ័ក្ត្រ កុសុម៉ា ដូចនេះកាលពីយប់មិញនាង បានរៀបចំកម្មវិធីតូចមួយកម្សាន្តជុំគ្រួសារ និងមិត្តភ័ក្តិមួយចំនួននៅផ្ទះច្រៀងរាំយ៉ាងសប្បាយ។ គួរបញ្ជាក់ថា ប៉ុន្មានឆ្នាំចុងក្រោយនេះ កុសុម៉ា កាន់តែទទួលបានការគាំទ្រខ្លាំងឡើង ធ្វើឱ្យការងារសិល្បៈរបស់នាងមានភាពមមាញឹកជាលំដាប់។

ទោះជាយ៉ាងណា នេះគឺជាសមិទ្ធផល និងការខិតខំប្រឹងប្រែងដែលនាងបានសាងឡើងអស់រយៈពេលជាច្រើនឆ្នាំរហូតទទួលបានលទ្ធផលគួរជាទីគាប់ចិត្តក្នុងពេលសព្វថ្ងៃ៕

(ទស្សនាវីដេអូ)

អត្ថបទទាក់ទង