ព័ត៌មានថ្មី
- ជាប់ឈ្មោះជាសេដ្ឋីពាន់លានដុល្លារ និងមានមិត្តប្រុសល្អចង់បង្កើតគ្រួសារពេញលេញជាមួយគ្នា តែគួរឱ្យស្តាយ Selena មិនអាចមានផ្ទៃពោះ
- បេក្ខជនម្នាក់នេះបានសោកស្ដាយបំផុតសម្រាប់ការចាកចេញពីផ្ទះបាយ MasterChef Cambodia របស់បញ្ញា
- ទាំងសម្រស់ ទាំងថ្ពាល់ខួច ទាំងវ័យប្រហែលគ្នាធ្វើឱ្យបេក្ខជន MasterChef Cambodia រដូវកាលទី ៣ លីនដា និង Ruby Lin មើលទៅកាន់តែស្រដៀងគ្នា
- ចុងភៅពូកែ២រូបមកពីវិទ្យាស្ថានម្ហូបអាហារកម្ពុជា ចូលរួមផ្ដល់ការប្រឹក្សាក្នុងការប្រកួត Offsite Challenge នៅក្រៅផ្ទះបាយ MasterChef Cambodia
- ធ្លាប់តែសម្តែងរឿងហូហែរ ពេលនេះអតីតតារាសម្តែងជើងចាស់ Chun Wong ត្រូវអង្គុយលើរទេះរុញ និងរស់នៅមណ្ឌលចាស់ជរាក្នុងវ័យ ៧៦ឆ្នាំ
អាជ្ញាធរចិន រកឃើញមេរោគកូវីដ១៩លើផ្លែឈើនាំចូលពីវៀតណាម និង ថៃ
- សង្គម
- January 6th, 2022 (3 years)
ចិន៖ ទីក្រុងមួយចំនួនរបស់ចិន បានចាប់ផ្តើមពិនិត្យបន្ទាន់រកមេរោគកូវីដ១៩ លើអាហារនាំចូល និងបានបញ្ជាឱ្យអ្នកទិញផ្លែឈើ ធ្វើចត្តាឡីស័កខ្លួនឯង បន្ទាប់ពីផលិតផលស្រស់មកពីប្រទេសវៀតណាម និងប្រទេសថៃ បានធ្វើតេស្តរកឃើញវីរុសកូវីដ១៩។
ទោះបីជាមានព័ស្តុតាងតិចតួចដែលមនុស្សអាចឆ្លងកូវីដ១៩ពីអាហារក៏ដោយ ក៏ទីក្រុងចំនួន៩ នៅក្នុងខេត្តជឺចាំង (Zhejiang) និងខេត្តចាំងស៊ី (Jiangxi) បានរាយការណ៍ពីលទ្ធផលវិជ្ជមាននៃមេរោគឆ្លងលើផ្លែស្រកានាគ ដែលនាំចូលពីប្រទេសវៀតណាម ឬផ្លែមៀន ពីប្រទេសថៃ ចាប់តាំងពីខែធ្នូ។
ប្រការនេះ បាននាំឱ្យមានការបិទផ្សារទំនើបជាបណ្តោះអាសន្ន និងការត្រួតពិនិត្យកាន់តែតឹងរ៉ឹងនៅទីផ្សារលក់ផ្លែស្រកានាគ។ ប្រទេសចិន កំពុងមានការប្រុងប្រយ័ត្នខ្ពស់ចំពោះការផ្ទុះឡើងនៃមេរោគកូវីដ១៩ ខណៈដែលប្រទេសផ្សេងទៀត ប្រឈមនឹងការកើនឡើងនៃករណីវីរុសបំប្លែងខ្លួនថ្មី ប្រភេទអូមីក្រុង ដែលឆ្លងលឿននិងអាចគំរាមកំហែងដល់ព្រឹត្តិការណ៍កីឡាអូឡាំពិករដូវរងា នៅទីក្រុងប៉េកាំង ដែលនឹងចាប់ផ្តើមនៅខែក្រោយ។
យោងតាមរបាយការណ៍របស់រដ្ឋបាលក្នុងតំបន់ បានឱ្យដឹងថា អ្នកស្រុកជាង ១០០០ នាក់នៃទីក្រុង សាវស៊ីង (Shaoxing) ក្នុងខេត្ត ជឺចាំង (Zhejiang) ដែលបានហូបផ្លែស្រកានាគរបស់វៀតណាម ត្រូវបានបញ្ជាឱ្យនៅដាច់ដោយឡែកពីគេនៅផ្ទះ។
អ្នករស់នៅទីក្រុងផ្សេងទៀត ដែលបានទៅលេងហាងលក់ផ្លែឈើ ដែលសង្ស័យថាលក់ផលិតផលដែលមានមេរោគកូវីដ១៩ ឬបានទិញផ្លែស្រកានាគដែលនាំចូល ក៏ត្រូវបានប្រាប់ឱ្យរាយការណ៍ទៅមន្ត្រីក្នុងតំបន់ និងធ្វើតេស្តរកមេរោគនេះផងដែរ៕
អត្ថបទទាក់ទង
កម្មវិធីប្រកួតធ្វើម្ហូបលំដាប់ពិភពលោក
