ផ្លឹស-ខេអេក ញូវ

អាយុគ្រាន់តែជាតួលេខ ខាងប្រុសអាយុ១៩ឆ្នាំ ខាងស្រីអាយុ៥២ឆ្នាំ មិនសន្យាអីច្រើនតែចូលដណ្តឹងចាប់ដៃគ្នាសាងគ្រួសារមិនខ្វល់សម្ដីអ្នកដទៃ

សង្គម
January 6th, 2022 (4 years)
Views: 361
Share

ថៃ៖ រឿងរ៉ាវស្នេហាខុសជំនាន់ដែលកំពុងទទួលបានការចាប់អារម្មណ៍នៅក្នុងលើបណ្តាញសង្គមថៃរវាងបុរសជំទង់វ័យ១៩ឆ្នាំ បានបាក់ចិត្តស្រលាញ់ស្ត្រីវ័យ ៥២ឆ្នាំម្នាក់ជាស្ត្រីមេម៉ាយ។ លោក Wuttichai បានឱ្យដឹងថា ខ្លួនបានបាក់ចិត្តស្រលាញ់ស្ត្រីឈ្មោះ Chanla តាំងពីអាយុទើប១០ឆ្នាំម្ល៉េះ អ្នកទាំងពីរ បានសាងអនុស្សាវរីយ៍ជាមួយគ្នាដោយធ្លាប់ទៅចាប់ក្តាម និងចាប់ត្រីជាមួយគ្នារហូតទំនាក់ទំនងកាន់តែស្និទ្ធស្នាលឡើងពីមួយថ្ងៃទៅមួយថ្ងៃ។

អ្នកទាំងពីរ បានចាប់ផ្តើមមានទំនាក់ទំនងស្នេហានឹងគ្នារយៈពេលជាង ១១ខែ ក្រោយមកក៏សម្រេចចិត្តរៀបការដោយខាងប្រុសបានឱ្យថ្លៃបណ្ណាការ ៦ពាន់បាត។ Wuttichai បានបង្ហាញអារម្មណ៍របស់ខ្លួនបែបនេះថា មិនខ្វល់អ្នកណានិយាយបែបណាឡើយ វាមិនមានបញ្ហាឡើយឱ្យតែយើងស្រលាញ់គ្នា។ អ្នកខ្លះនិយាយល្អ ខ្លះច្រណែន និងខ្លះក៏មានចម្ងល់ថាពិតជាអាចទៅរួចមែនឬយ៉ាងណាសម្រាប់វ័យខុសគ្នាច្រើនបែបនេះ។

គួរបញ្ជាក់ដែរថា សម្រាប់គ្រួសារទាំងសងខាង មិនបានជំនាស់នឹងទំនាក់ទំនងរបស់អ្នកទាំងពីរឡើយ។ តាមសម្ដីរបស់លោកយាយរបស់ Wuttichai បានមានប្រសាសន៍ថា គាត់មិនជំទាស់នឹងទំនាក់ទំនងពួកគេទាំងពីរឡើយ ដោយឃើញថាពួកគេពិតជាស្រលាញ់គ្នា ហើយអ្វីដែលសំខាន់ពួកគេអាចមើលថែគ្នាបាន៕

អត្ថបទទាក់ទង