ផ្លឹស-ខេអេក ញូវ

Samuel Umtiti របស់ Barcelona ជិតផ្លាស់ទៅ Newcastle United

កីឡា
January 7th, 2022 (5 years)
Views: 461
Share

Newcastle United បានបង្វែរការចាប់អារម្មណ៍របស់ពួកគេ ទៅលើខ្សែការពារ Samuel Umtiti របស់ក្រុម Barcelona ក្នុងគោលបំណងពង្រឹងផ្នែកការពាររបស់ពួកគេក្នុងខែមករានេះ។

សេចក្ដីរាយការណ៍របស់ Marca បានឱ្យដឹងថា ក្រុមសារិកាព្រៃ បានតាមដានខ្សែការពារកណ្តាលម្នាក់នេះ បន្ទាប់ពីការចរចារជាមួយកីឡាករ Sven Botman របស់ Lille បានបរាជ័យ។ កិច្ចសន្យាខ្ចីជើង កំពុងត្រូវបានពិភាក្សារវាងក្លិបទាំងពីរ តែមិនមានជម្រើស ក្នុងការទិញផ្ដាច់នោះទេ ខណៈកីឡាករសញ្ជាតិបារាំងរូបនេះ ចង់ត្រឡប់ទៅ Barcelona វិញនៅចុងរដូវកាលនេះ។

Barcelona បានព្យាយាមបញ្ជូន Umtiti ចេញកាលពីរដូវក្តៅមុន ប៉ុន្តែគាត់មិនចង់ចេញទេ និងបានស្នើសុំស្នាក់នៅរហូតដល់ខែមករា។ ឥឡូវនេះ កីឡាករវ័យ ២៨ ឆ្នាំរូបនេះ បានយល់ព្រមថា គាត់ត្រូវតែចាកចេញ ប៉ុន្តែគ្រាន់តែចង់ទៅបណ្តោះអាសន្នប៉ុណ្ណោះ។

ដោយសារការប្រកួតបាល់ទាត់ពិភពលោកនឹងខិតចូលមកដល់ឆាប់ៗនេះ ការទទួលបានឱកាសលេងជាប់លាប់ នៅក្នុងក្របខណ្ឌ Premier League អាចនឹងជំរុញឱ្យ Umtiti ត្រូវបានកោះហៅសម្រាប់ក្រុមជម្រើសជាតិបារាំង ដែលគេបានបង្ហាញខ្លួនចំនួន ៣១ប្រកួត និងឈ្នះពាន World Cup ជាមួយក្រុមមាន់គក ក្នុងឆ្នាំ២០១៨ ប៉ុន្តែមិនត្រូវបានកោះហៅតាំងពីឆ្នាំ២០១៩។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០។

ទស្សនាការប្រកួតដ៏ជក់ចិត្តបណ្តើរ ឆាតលេងកម្សាន្តបណ្តើរ ប៉ុន្តែកុំភ្លេចដាក់រូបភាពរបស់លោកអ្នកនៅតេឡេក្រាមផង ពេលនោះលោកអ្នកនឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង

Samuel Umtiti របស់ Barcelona ជិត​ផ្លាស់​ទៅ Newcastle United

Samuel Umtiti របស់ Barcelona ជិតផ្លាស់ទៅ Newcastle United