ផ្លឹស-ខេអេក ញូវ

ទាំងពិធីករ ទាំងតារាកិត្តិយសក្នុងកម្មវិធី “Mr. Chef Khmer” នាំគ្នាអុកឡុកឆាកប្រកួតផ្ទុះសំណើចតាំងពីបើកក្បាលកម្មវិធី

កម្សាន្ត
January 11th, 2022 (3 years)
Views: 358
Share

ភ្នំពេញ៖ កម្មវិធីថ្មីរបស់ស្ថានីយទូរទស្សន៍ MyTV ក្នុងឆ្នាំថ្មី “Mr. Chef Khmer” សប្តាហ៍ទី១ ត្រូវបានរកឃើញដោយតារាកិត្តិយសលោក វេហាស៍ ដែលមានថ្វីដៃធ្វើម្ហូបមានរសជាតិឆ្ងាញ់ជាងគេក្នុងចំណោមតារាកិត្តិយស៣រូបទៀតគឺ នេនទុំ កញ្ញា ប្រេម៉ា និងកញ្ញា ម៉ូម៉ូ។

ដើម្បីដណ្តើមប្រាក់រង្វាន់ពីកម្មវិធី អ្នកទាំង៤ បានព្យាយាមអស់ពីសមត្ថភាពជាមួយប្រធានបទមុខម្ហូប “ឡុកឡាក់” ដែលដំបូងឡើយគ្រប់គ្នាគិតថាងាយស្រួល ដោយឡែក ឡុកឡាក់ ដែលជាទូទៅគឺយកសាច់គោ ឬសាច់ជ្រូកមកធ្វើ បែរត្រូវប្តូរទៅជាបង្កងនាគវិញ ដែលត្រង់ចំណុចនេះគឺមានភាពលំបាកបន្តិចក្នុងការច្នៃ។

បន្ថែមពីការប្រកួតធ្វើម្ហូបយ៉ាងស្វិតស្វាញ ការប្រកែកតវ៉ាបែបកំប្លុកកំប្លែង ដើម្បីញ៉ាំងបរិយាកាសឱ្យកាន់តែមានភាពសប្បាយរីករាយផងនោះ កម្មវិធី ក៏មានប្រាក់រង្វាន់សម្រាប់អ្នកដណ្តើមបានជ័យលាភី និងរង្វាន់លើកទឹកចិត្តសម្រាប់តារាកិត្តិយស នេនទុំ ដែលជាបេក្ខជនបង្កើនបរិយាកាសសប្បាយៗដល់កម្មវិធីផងដែរ។

ចង់ដឹងថា កម្មវិធីថ្មីរបស់ស្ថានីយទូរទស្សន៍ MyTV “Mr. Chef Khmer” សប្តាហ៍ទី១បង្កើតការសប្បាយយ៉ាងណាខ្លះ តោះទៅទស្សនាវីដេអូទាំងអស់គ្នា៕

(ទស្សនាវីដេអូ)

អត្ថបទទាក់ទង