ផ្លឹស-ខេអេក ញូវ

មនុស្សរាប់ម៉ឺននាក់ ធ្វើដំណើរទៅចូលរួមពិធីសាសនា ចំពេលមានការកើនឡើងនៃវីរុសអូមីក្រុងនៅឥណ្ឌា

សង្គម
January 14th, 2022 (3 years)
Views: 420
Share

ឥណ្ឌា៖ អ្នកកាន់សាសនាហិណ្ឌូរាប់ពាន់នាក់ បានចាប់ផ្តើមមកដល់ទីក្រុង Prayagraj ភាគខាងជើងនៃប្រទេសឥណ្ឌា សម្រាប់ពិធីបុណ្យមួយ ចំពេលមានការកើនឡើងយ៉ាងខ្លាំងនៃការឆ្លងមេរោគកូវីដ១៩។ នេះបើយោងតាមការចុះផ្សាយរបស់ BBC នៅថ្ងៃសុក្រ ទី១៤ ខែមករា ឆ្នាំ២០២១នេះ។

អ្នកកាន់សាសនាហិណ្ឌូជឿថា ការងូតទឹកទន្លេគង្គាក្នុងឱកាសបុណ្យនេះ នឹងលាងជម្រះបាបកម្មរបស់ពួកគេបាន។

គួររំឭកថា ការជួបជុំនេះ បានបង្កឱ្យមានរលកទីពីរដ៏សាហាវនៃការឆ្លងរីករាលដាលវីរុសកូវីដ១៩នៅក្នុងប្រទេសឥណ្ឌា កាលពីឆ្នាំមុន។ ប៉ុន្តែអាជ្ញាធរក្នុងរដ្ឋ Uttar Pradesh បានបដិសេធ មិនហាមឃាត់ព្រឹត្តិការណ៍នៅឆ្នាំនេះទេ។

កាលពីថ្ងៃព្រហស្បតិ៍ ទី១៣ ខែមករា លោករដ្ឋមន្រ្ដី Yogi Adityanath បានអំពាវនាវដល់ប្រជាជនឱ្យអនុវត្តតាមវិធានការសុខាភិបាលចាំបាច់ទាំងអស់ ក្នុងអំឡុងពេលព្រឹត្តិការណ៍។ ទោះបីជាយ៉ាងណាក៏ដោយ ការឆ្លងកូវីដ១៩ កំពុងត្រូវបានរាយការណ៍នៅក្នុងតំបន់ប្រារព្ធពិធី មុនពេលចាប់ផ្តើមព្រឹត្តិការណ៍នេះទៅទៀត។

ប៉ូលីសជាង ៥០០០នាក់កំពុងត្រូវបានដាក់ពង្រាយដើម្បីគ្រប់គ្រងហ្វូងមនុស្ស។ យ៉ាងហោចណាស់ មន្ត្រីប៉ូលីសចំនួន ៣៨នាក់ហើយ បានធ្វើតេស្តវិជ្ជមាន ដែលបង្កឱ្យមានការភ័យខ្លាចថា ពិធីបុណ្យនេះអាចប្រែទៅជាចំណុចក្តៅនៃការឆ្លងនៅក្នុងប៉ុន្មានថ្ងៃខាងមុខនេះ។

អ្នកជំនាញ បានបង្ហាញក្ដីព្រួយបារម្ភអំពីផលវិបាកដែលវាអាចមានលើសុខភាពសាធារណៈផងដែរ។ ប្រទេសឥណ្ឌា គឺស្ថិតនៅចំកណ្តាលនៃរលកទី៣ ដែលបង្កដោយវីរុសបំប្លែងខ្លួនថ្មី ប្រភេទអូមីក្រុង។

ប្រទេសនេះ បានរាយការណ៍ពីការឆ្លងថ្មី ២៤៧.៤១៧ករណី កាលពីថ្ងៃព្រហស្បតិ៍ ដែលជាតួលេខច្រើនបំផុតចាប់តាំងពីចុងខែឧសភា ឆ្នាំមុន។ រដ្ឋធានីដេលី និងទីក្រុងបុមបៃ រកឃើញករណីឆ្លងច្រើនជាងគេ៕

អត្ថបទទាក់ទង

មនុស្ស​រាប់ម៉ឺន​នាក់ ធ្វើដំណើរ​ទៅ​ចូលរួម​ពិធីសាសនា ចំពេល​មាន​ការកើនឡើង​នៃ​វីរុស​អូមីក្រុង​នៅឥណ្ឌា

មនុស្សរាប់ម៉ឺននាក់ ធ្វើដំណើរទៅចូលរួមពិធីសាសនា ចំពេលមានការកើនឡើងនៃវីរុសអូមីក្រុងនៅឥណ្ឌា