ផ្លឹស-ខេអេក ញូវ

កាយវិការស្និទ្ធស្នាលហួសពីមិត្ត ធ្វើឱ្យអ្នកគាំទ្រសង្ស័យពីទំនាក់ទំនងរវាង Baifern និង Nine

កម្សាន្ត
January 14th, 2022 (3 years)
Views: 359
Share

ថៃ៖ Baifern ដែលជាតារាសម្តែងស្រីមួយរូប ទទួលបានប្រជាប្រិយភាពខ្ពស់ក្នុងការសម្តែង ដោយនាងទទួលបានការងារសិល្បៈជាបន្តបន្ទាប់រហូតភាពមមាញឹក ធ្វើឱ្យនាងរកពេលសម្រាកគ្មាន។ ជាក់ស្តែង កាលពីឆ្នាំ២០២១ កន្លងទៅតារាស្រីវ័យក្មេងរូបនេះ សម្រុកទទួលថតរឿងជាប់ៗគ្នារហូតគ្មានពេលសម្រាកគ្រប់គ្រាន់ និងញ៉ាំអាហារមិនទៀងពេលទៀតនោះ ធ្វើឱ្យសុខភាពខ្សោយដល់ថ្នាក់ចូលមន្ទីរពេទ្យទៀតផង។

យ៉ាងណាមិញ បើទោះជាខំប្រឹងធ្វើការទាំងឈឺទាំងជាក៏ដោយ ក៏សមិទ្ធផលភាពយន្តនីមួយៗរបស់Baifern នៅតែរក្សាគុណភាពដដែល។ ការខិតខំប្រឹងប្រែងកន្លងមក ពេលនេះភាពយន្តថ្មីមួយរបស់នាង បានចេញជាផ្លូវការហើយដោយកាលពីថ្ងៃទី១២ ខែមករា កន្លងទៅនាង និងតួឯកប្រុសលោក Nine Naphat បានចូលរួមសម្ពោធរឿងថ្មីរបស់អ្នកទាំងពីរ ពោរពេញដោយស្នាមញញឹមយ៉ាងស្រស់។

ទន្ទឹមនឹងការចាប់អារម្មណ៍នឹងបានទស្សនាភាពយន្តថ្មីរបស់អ្នកទាំងពីរហើយនោះ គ្រប់គ្នា ចាប់អារម្មណ៍លើកាយវិការស្និទ្ធស្នាលខ្លាំងរហូតអ្នកខ្លះយល់ថា អ្នកទាំងពីរ កំពុងមានសម្ព័ន្ធភាពស្នេហាជាមួយគ្នា និងខ្លះទៀត ក៏ជំរុញឱ្យគូស្នេហ៍ដែលជួបគ្នាតែក្នុងរឿងនេះប្រែក្លាយជាគូស្នេហ៍ពិតប្រាកដ។

តារាសម្តែងមួយគូនេះ គឺជាដៃគូសម្តែងសាកសមគ្នាឥតខ្ចោះដែលគ្រប់គ្នាចង់ឃើញអ្នកទាំងពីរ ក្លាយជាគូស្នេហ៍នឹងគ្នាពិតប្រាកដជាខ្លាំង ស្របពេលដែលម្តាយរបស់ Nine ក៏ធ្លាប់បង្ហាញអារម្មណ៍ថាពេញចិត្តតារាស្រី Baifern រូបនេះផងដែរ៕

អត្ថបទទាក់ទង

កាយវិការ​ស្និទ្ធស្នាល​ហួសពីមិត្ត ធ្វើឱ្យ​អ្នកគាំទ្រ​សង្ស័យ​ពី​ទំនាក់ទំនង​រវាង Baifern និង Nine

កាយវិការស្និទ្ធស្នាលហួសពីមិត្ត ធ្វើឱ្យអ្នកគាំទ្រសង្ស័យពីទំនាក់ទំនងរវាង Baifern និង Nine