ផ្លឹស-ខេអេក ញូវ

Bosco Wong ថាមនុស្សស្រីដែលអាចក្លាយជាមិត្តស្រីលោកបានទាល់តែព្រមទទួលស្គាល់ថាមិត្តភ័ក្តិលោកសំខាន់ជាងនាង

កម្សាន្ត
January 15th, 2022 (3 years)
Views: 194
Share

ហុងកុង៖ ភាពសង្ហារបស់តារាសម្តែងហុងកុងវ័យ ៤១ឆ្នាំ Bosco Wong បានធ្វើឱ្យមនុស្សស្រីជាច្រើនធ្លាក់ក្នុងអន្លង់ស្នេហ៍ដោយលោកបានជះរាងសង្ហា និងប្រជាប្រិយភាព បើទោះជាវ័យច្រើនក៏ដោយ។ យ៉ាងណាមិញ ប្រសិនជាបានដឹងពីប្រភេទមនុស្សស្រីដែលអាចក្លាយជាមិត្តស្រីលោកបានជឿថា ស្រីៗដែលធ្លាប់បាក់ចិត្តលើតារាប្រុសរូបនេះប្រាកដជាភ្ញាក់ផ្អើលដោយលោកធ្លាប់បានបញ្ជាក់ជារឿយៗថា៖

មនុស្សស្រីដែលអាចក្លាយជាមិត្តស្រីលោកបានត្រូវមាន៣ចំណុចនេះជាដាច់ខាត៖

១. ត្រូវទទួលស្គាល់ថា មិត្តភ័ក្តិរបស់លោកគឺសំខាន់ជាងនាង ព្រោះលោកត្រូវការពេលវេលាជាមួយមិត្តភ័ក្តិ មិនអាចចំណាយពេលគ្រប់វេលាជាមួយនាងបានឡើយ ដូចនេះមិនត្រូវតោងទាមលោកឡើយ។

២. មិនត្រូវសួរនាំថាលោកកំពុងនៅឯណាឡើយ

៣. នាងត្រូវយល់ថា ដោយសារអាជីពលោកជាតារាសម្តែង ដូចនេះពាក្យចចាមអារ៉ាមតែងតែកើតមាន ដូចនេះនាង
មិនត្រូវមិនសប្បាយចិត្តនូវអ្វីដែលគេនិយាយប្រាប់នាងពីលោកឡើយ។

គ្រាន់តែពាក្យសម្ដីទាំងប៉ុន្មាននេះ ចេញពីមាត់តារាប្រុសរូបនេះភ្លាមធ្វើឱ្យមហាជននាំគ្នារិះគន់លោកមិនសំចៃមាត់ ដោយខ្លះ បានបញ្ចេញមតិថា តើលោក កំពុងស្វែងរកគូស្នេហ៍ ឬស្វែងរកស្រីកំដរអារម្មណ៍? រីឯមតិខ្លះទៀតបាននិយាយថា ក្នុងនាមជាមិត្តស្រីរបស់លោក មិនត្រូវអនុញ្ញាតឱ្យមានមនោសញ្ចេតនាអ្វីទេឬ ហើយចាំលោកជាអ្នកចាត់ចែងផ្តល់ពេលវេលាឱ្យនាង?

ក្នុងនោះមតិមួយទៀត បាននិយាយថា ប្រសិនជាលោក រកបានមិត្តស្រីបែបនោះបានមែន បានន័យថានាង មិនបានស្រលាញ់លោកឡើយ នាងគ្រាន់តែស្រលាញ់លុយរបស់លោកតែប៉ុណ្ណោះ៕

អត្ថបទទាក់ទង