ផ្លឹស-ខេអេក ញូវ

Aubameyang របស់ Arsenal អវត្តមានក្នុងការប្រកួតរបស់ក្រុមហ្គាបុង ដោយសារដំបៅបេះដូង

កីឡា
January 15th, 2022 (3 years)
Views: 247
Share

ខ្សែប្រយុទ្ធ Pierre-Emerick Aubameyang របស់ក្រុមកាំភ្លើងធំ Arsenal បានខកខានការប្រកួតពានរង្វាន់ Africa Cup of Nations របស់ក្រុមជម្រើសជាតិហ្គាបុង ជាមួយក្រុមហ្គាណា កាលពីថ្ងៃសុក្រ បន្ទាប់ពីការស្កែនបង្ហាញពីដំបៅបេះដូង បន្ទាប់ពីខ្សែប្រយុទ្ធរូបនេះ បានឆ្លងកូវីដ១៩មុននេះ។

ទោះជាយ៉ាងណា គ្រូពេទ្យរបស់ Arsenal បាននិយាយទៅកាន់គ្រូពេទ្យរបស់ក្រុមជម្រើសជាតិហ្គាបុង ដែលបាននិយាយថា ស្ថានភាពនេះមិនធ្ងន់ធ្ងរទេ។ Aubameyang បានធ្វើតេស្តវិជ្ជមានកូវីដ១៩ នៅពេលមកដល់ប្រទេសកាមេរូនកាលពីសប្តាហ៍មុន។ គេ បាន ស្កែន ជា វិធានការ ការពារ ជាមុន នឹង ត្រូវ បាន អនុញ្ញាត ឱ្យ ត្រឡប់ មក វិញ។

សហព័ន្ធ បាល់ទាត់ ហ្គាបុង បានថ្លែងថា៖ “ការពិនិត្យសុខភាពបង្ហាញពីដំបៅបេះដូង ហើយ CAF មិនចង់ប្រថុយអ្វីទេ។”

ថ្លែងបន្ទាប់ពីលទ្ធផលស្មើ ១-១ ជាមួយក្រុមហ្គាណា លោក Patrice Neveu គ្រូបង្វឹកក្រុមជម្រើសជាតិហ្គាបុង បាននិយាយថា លោកទទួលបានដំណឹងនេះ ២ម៉ោងមុនពេលចាប់ផ្តើម។ លោកថា លទ្ធផលនៃការស្កេនបង្ហាញថាជា បញ្ហាតូចតាចប៉ុណ្ណោះ។ លោកបានបន្ថែមថា លោកសង្ឃឹមថា គេនឹងអាចចូលរួមក្នុងការប្រកួតចុងក្រោយរបស់ក្រុមហ្គាបុង ជាមួយម៉ារ៉ុក ប៉ុន្តែបាននិយាយថាសុខភាពរបស់កីឡាករគឺជារឿងសំខាន់បំផុត។

Aubameyang បានខកខានការប្រកួតបើកឆាករបស់ហ្គាបុង ដែលពួកគេបានយកឈ្នះក្រុម Comoros ១-០ កាលពីដើមសប្ដាហ៍។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០ នៅលើកញ្ចក់ទូរទស្សន៍ CTN ហ្វេសប៊ុកផេកផ្លូវការ CTN TV និង ហ្វេសប៊ុកផេក CBS Sport ។ បន្ទាប់មក នៅរៀងរាល់ចុងសប្ដាហ៍ ទស្សនិកជន ក៏អាចទស្សនាការប្រកួតក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង

Aubameyang របស់ Arsenal អវត្តមាន​ក្នុង​ការប្រកួត​របស់​ក្រុមហ្គាបុង ដោយសារ​ដំបៅ​បេះដូង

Aubameyang របស់ Arsenal អវត្តមានក្នុងការប្រកួតរបស់ក្រុមហ្គាបុង ដោយសារដំបៅបេះដូង