ផ្លឹស-ខេអេក ញូវ

ករណីឆ្លងអូមីក្រុងក្នុងសហគមន៍លើកដំបូងនៅប្រទេសវៀតណាម ត្រូវបានរកឃើញនៅទីក្រុងហូជីមិញ

សង្គម
January 19th, 2022 (3 years)
Views: 197
Share

វៀតណាម៖ វីរុសបំប្លែងថ្មី អូមីក្រុង បានមកដល់ប្រទេសវៀតណាម បន្ទាប់ពីការឆ្លងក្នុងសហគមន៍ចំនួន ៣ករណីដំបូង ត្រូវបានរកឃើញនៅទីក្រុងហូជីមិញ កាលពីថ្ងៃអង្គារ។

មន្ទីរពេទ្យ នៅសង្កាត់លេខ៥ ក្រុងហូជីមិញ បានបញ្ជាក់ថា អ្នកជំងឺបានទៅព្យាបាលនៅគ្លីនិកឯកជនមួយ បន្ទាប់ពីមានអាការ ហៀរ សំបោរ និង ឈឺ បំពង់ក។ ក្រោយពីការធ្វើតេស្តរហ័សបង្ហាញថា ពួកគេមានភាពវិជ្ជមានកូវីដ១៩ គ្លីនិកបានបញ្ជូនសំណាករបស់ពួកគេទៅធ្វើតេស្តបញ្ជាក់ដោយម៉ាស៊ីន PCR ដែលបុគ្គលិកបានរកឃើញភាពមិនប្រក្រតីនៃហ្សែននៅក្នុងសំណាក ហើយបានបញ្ជូនពួកគេទៅមន្ទីរពេទ្យក្រុង។ រហូតដល់រសៀលថ្ងៃអង្គារ គេបានបញ្ជាក់ថា ពួកគេបានឆ្លងមេរោគប្រភេទ BA.1 អូមីក្រុង។

អ្នកជំងឺទាំងបីនាក់នោះ មានអាយុ ៣៥ឆ្នាំ អាយុ ៣១ឆ្នាំ និងអាយុ ៤៨ឆ្នាំ។ អាជ្ញាធរមូលដ្ឋាន កំពុងតាមដាន និងតេស្ត មនុស្សដែលបានចូលទៅជិតអ្នកទាំងបី។

គួរជម្រាបថា ករណីអូមីក្រុងពីមុនចំនួន ៧០ករណីនៅក្នុងប្រទេសវៀតណាម គឺជាករណីនាំចូលពីបរទេសទាំងអស់៕

អត្ថបទទាក់ទង

ករណីឆ្លង​អូមីក្រុង​ក្នុង​សហគមន៍​លើកដំបូង​នៅ​ប្រទេសវៀតណាម ត្រូវបាន​រកឃើញ​នៅ​ទីក្រុងហូជីមិញ

ករណីឆ្លងអូមីក្រុងក្នុងសហគមន៍លើកដំបូងនៅប្រទេសវៀតណាម ត្រូវបានរកឃើញនៅទីក្រុងហូជីមិញ