ព័ត៌មានថ្មី
- ជាប់ឈ្មោះជាសេដ្ឋីពាន់លានដុល្លារ និងមានមិត្តប្រុសល្អចង់បង្កើតគ្រួសារពេញលេញជាមួយគ្នា តែគួរឱ្យស្តាយ Selena មិនអាចមានផ្ទៃពោះ
- បេក្ខជនម្នាក់នេះបានសោកស្ដាយបំផុតសម្រាប់ការចាកចេញពីផ្ទះបាយ MasterChef Cambodia របស់បញ្ញា
- ទាំងសម្រស់ ទាំងថ្ពាល់ខួច ទាំងវ័យប្រហែលគ្នាធ្វើឱ្យបេក្ខជន MasterChef Cambodia រដូវកាលទី ៣ លីនដា និង Ruby Lin មើលទៅកាន់តែស្រដៀងគ្នា
- ចុងភៅពូកែ២រូបមកពីវិទ្យាស្ថានម្ហូបអាហារកម្ពុជា ចូលរួមផ្ដល់ការប្រឹក្សាក្នុងការប្រកួត Offsite Challenge នៅក្រៅផ្ទះបាយ MasterChef Cambodia
- ធ្លាប់តែសម្តែងរឿងហូហែរ ពេលនេះអតីតតារាសម្តែងជើងចាស់ Chun Wong ត្រូវអង្គុយលើរទេះរុញ និងរស់នៅមណ្ឌលចាស់ជរាក្នុងវ័យ ៧៦ឆ្នាំ
Premier League Preview៖ ការប្រកួត Brentford ទល់នឹង Man Utd ផ្សាយបន្តផ្ទាល់នៅ MyTV យប់នេះ
- កីឡា
- January 19th, 2022 (3 years)
Manchester United កំពុង សម្លឹង មើលការប្រកួតប្រជែងចំណាត់ថ្នាក់កំពូលទាំង៤ ក្នុងក្របខណ្ឌ Premier League នៅពេលដែលពួកគេ ធ្វើដំណើរទៅកាន់ភាគខាងលិចទីក្រុងឡុងដ៍ ដើម្បីជួបក្រុមម្ចាស់ផ្ទះ Brentford នៅរាត្រីនេះ ដែលមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ MyTV ម៉ោង ៣:០០ ទៀបភ្លឺ។
ក្រុមបិសាចក្រហម បច្ចុប្បន្នកំពុងឈរនៅលេខ៧ ក្នុងតារាង Premier League ដោយតាមពីក្រោយក្រុមលេខ៤ West Ham United ចំនួន ៥ពិន្ទុ ខណៈពេលដែល Brentford កាន់កាប់តំណែងលេខ១៤ មាន ១០ពិន្ទុពីតំបន់កាត់ចោល។
Brentford នឹងត្រូវអវត្តមានកីឡាករ Julian Jeanvier, David Raya, Charlie Goode និង Josh Dasilva សម្រាប់ការប្រកួតនេះ ដោយសាររបួស ខណៈ Mathias Jorgensen នៅតែមិនទាន់ច្បាស់ពីការអាចចូលលេងបាន។ ក្រុមឃ្មុំ ក៏បាត់បង់សមាជិក Frank Onyeka ដោយសារការជាប់កាតព្វកិច្ចក្នុងការប្រកួត Africa Cup of Nations ។
សម្រាប់ Man United កីឡាករ Paul Pogba នៅតែមានបញ្ហាភ្លៅ ខណៈ Eric Bailly មិនអាចចូលលេងបាន ដោយសារជាប់លេងនៅ Africa Cup of Nations។ Aaron Wan-Bissaka ក៏នៅមិនទាន់ច្បាស់ ដោយសារជំងឺ ខណៈ Cristiano Ronaldo ត្រូវបានគេរំពឹងថា នឹងជាសះស្បើយពីរបួសត្រគាក ដើម្បីត្រឡប់ទៅជម្រើសដំបូងវិញ។ Marcus Rashford អាចនឹងចូលរួមនៅតំបន់ប្រយុទ្ធ បន្ទាប់ពីអវត្តមានកាលពីចុងសប្តាហ៍ដោយសាររបួសជើង។ Harry Maguire អាចនឹងជាប់ជម្រើស១១នាក់ដំបូង ក្រោយប្ដូរចូលជាកីឡាករបម្រុង កាលពីប្រកួតមុន។
នេះអាចជាជម្រើស១១នាក់ដំបូងរបស់ក្រុម Brentford ដែលអាចប្រើប្រាស់ទម្រង់ ៣-៥-២ ៖
Fernandez; Ajer, Jansson, Pinnock; Rasmussen, Janelt, Norgaard, Jensen, Canos; Toney, Mbeumo
នេះអាចជាជម្រើស១១នាក់ដំបូងរបស់ក្រុម Man Utd ដែលអាចប្រើប្រាស់ទម្រង់ ៤-២-៣-១ ៖
De Gea; Dalot, Varane, Maguire, Shaw; Fred, McTominay; Elanga, Fernandes, Greenwood; Ronaldo
ក្រុមការងារនៅ CBS Sport បានទស្សន៍ទាយថា ក្រុមទាំងពីរ នឹងមានគ្រាប់បាល់សរុបរួម ៣គ្រាប់ ហើយលទ្ធផលសម្រាប់ការប្រកួតនោះគឺ ៖ Brentford ១-២ Man Utd ។
កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០ នៅលើកញ្ចក់ទូរទស្សន៍ CTN ហ្វេសប៊ុកផេកផ្លូវការ CTN TV និង ហ្វេសប៊ុកផេក CBS Sport ។ បន្ទាប់មក នៅរៀងរាល់ចុងសប្ដាហ៍ ទស្សនិកជន ក៏អាចទស្សនាការប្រកួតក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕
អត្ថបទទាក់ទង
កម្មវិធីប្រកួតធ្វើម្ហូបលំដាប់ពិភពលោក
