ផ្លឹស-ខេអេក ញូវ

គ្នាកំពុងជាប់ពន្ធនាគារហើយ នៅឆ្លៀតមានអ្នកកែរូបបំភ្លៃ Kris Wu ទៀត

កម្សាន្ត
January 19th, 2022 (3 years)
Views: 273
Share

ប៉េកាំង៖ តារាវ័យ ៣១ឆ្នាំសញ្ជាតិចិន-កាណាដា Kris Wu ត្រូវបានប៉ូលិសនាទីក្រុងប៉េកាំងចាប់ខ្លួនកាលពីខែកក្កដា ឆ្នាំមុនពីបទរំលោភសេពសន្ថវៈលើអនីតិជន។ ព័ត៌មានរបស់តារាដែលធ្លាប់មានប្រជាប្រិយភាពរូបនេះ បានធ្វើឱ្យកក្រើកដោយមានមនុស្សជាច្រើនភ្ញាក់ផ្អើលនឹកស្មានមិនដល់ ចំពោះទង្វើអតីតតារាក្នុងក្រុមចម្រៀងកូរ៉េដ៏ល្បី Exo នេះឡើយ។

រយៈពេលកន្លះឆ្នាំនៃការជាប់ពន្ធនាគាររបស់ Kris Wu មិនមាននរណាដឹងពីសុខទុក្ខរបស់លោកឡើយ ប៉ុន្តែកាលពីពេលថ្មីៗនេះបែរជាលេចរូបភាពមួយរបស់លោកដែលហាក់ឡើងសាច់ខ្លាំងខុសធម្មតា ធ្វើឱ្យមហាជនចាប់អារម្មណ៍ជាខ្លាំង។

ជាក់ស្តែងរូបភាពដែលកំពុងទទួលបានការចាប់អារម្មណ៍មួយសន្លឹកនោះ ត្រូវបានមនុស្សមួយចំនួនបាននិយាយថា នេះជារូបថតរបស់ Kris Wu កាលពីឆ្នាំ២០១៥ ពេលកំពុងផ្តល់បទសម្ភាសដែលត្រូវបានយកមកកែក្នុងកម្មវិធីប៉ុណ្ណោះ មិនមែនជារូបបច្ចុប្បន្នឡើយ។

គួរបញ្ជាក់ដែរថា ព័ត៌មានអាស្រូវរបស់តារាចម្រៀងរូបនេះ បានធ្វើឱ្យលោកអស់អនាគតចំពោះទង្វើដែលមហាជន មិនអាចទទួលយកបាន ដោយក្រៅពីបំពានលើស្ត្រីជាច្រើនហើយ ចុងក្រោយលោក ត្រូវបានជាប់ទោសដោយសារបំពានលើអនីតិជនដែលជាទោសមិនអាចលើកលែងបានឡើយ៕

អត្ថបទទាក់ទង

គ្នាកំពុង​ជាប់ពន្ធនាគារ​ហើយ នៅឆ្លៀត​មាន​អ្នកកែរូប​បំភ្លៃ Kris Wu ទៀត

គ្នាកំពុងជាប់ពន្ធនាគារហើយ នៅឆ្លៀតមានអ្នកកែរូបបំភ្លៃ Kris Wu ទៀត