ផ្លឹស-ខេអេក ញូវ

Spurs ស៊ុត២គ្រាប់ក្នុងម៉ោងបន្ថែម យកឈ្នះ Leicester ៣-២ ដើម្បីរំកិលឡើងលេខ៥ក្នុងតារាង Premier League

កីឡា
January 20th, 2022 (3 years)
Views: 130
Share

Steven Bergwijn រកបានពីរគ្រាប់ក្នុងម៉ោងបន្ថែម ខណៈ Tottenham Hotspur បានវាយបកពីលទ្ធផល ២-១ ដើម្បីដណ្តើមបានជ័យជម្នះដ៏មិនគួរឱ្យជឿ នៅលើទឹកដីក្រុម Leicester City នៅឯកីឡដ្ឋាន King Power ។

Leicester ស្ទើរតែផ្ដល់បរាជ័យលើកដំបូងនៅ Premier League សម្រាប់ Spurs ចាប់តាំងពីលោក Antonio Conte ចូលកាន់តំណែង មុនពេល Bergwijn រកបានគ្រាប់បាល់តាមស្មើនៅនាទីទី៩០បូក៥ ពីការបញ្ជូនរបស់ Matt Doherty ។ កីឡាករហុល្លង់ដដែល ដែលទើបតែត្រូវបានប្ដូរចូលនៅនាទីទី៧៩ ស៊ុតបន្ថែមគ្រាប់ទី៣ និងជាគ្រាប់ជ័យជម្នះ ផុតដៃអ្នកចាំទី Kasper Schmeichel នៅនាទីទី៩០បូក៧។

វាជាការប្រកួតដ៏ជក់ចិត្ត នៅពេលដែលក្រុមកញ្ជ្រោង Leicester បាននាំមុខមុននៅនាទីទី២៤ ដោយការស៊ុតបាល់បញ្ចូលទីរបស់ Patson Daka ផុតអ្នកចាំទី Hugo Lloris ។ ប៉ុន្តែ Harry Kane បានរកគ្រាប់តាមស្មើ នៅមុនពេលចប់វគ្គទីមួយ។

James Maddison បានបន្ថែមគ្រាប់ទី២ ឱ្យក្រុមម្ចាស់ផ្ទះនៅនាទីទី៧៦ ហើយក្រុមម្ចាស់ផ្ទះ គិតថាពួកគេកំពុងទទួលបាន ៣ពិន្ទុ មុនពេល Bergwijn ស៊ុតបានពីរគ្រាប់នៅក្នុងម៉ោងបន្ថែមសម្រាប់ Spurs ។

ជ័យជម្នះរបស់ Spurs នាំពួកគេឡើងឈរលើក្រុម Arsenal និងឡើងទៅឈរនៅលេខ៥ ក្នុងតារាងក្របខណ្ឌ Premier League ខណៈ Leicester ស្ថិតនៅលេខ១០។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០ នៅលើកញ្ចក់ទូរទស្សន៍ CTN ហ្វេសប៊ុកផេកផ្លូវការ CTN TV និង ហ្វេសប៊ុកផេក CBS Sport ។ បន្ទាប់មក នៅរៀងរាល់ចុងសប្ដាហ៍ ទស្សនិកជន ក៏អាចទស្សនាការប្រកួតក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង

Spurs ស៊ុត​២គ្រាប់​ក្នុង​ម៉ោង​បន្ថែម យកឈ្នះ Leicester ៣-២ ដើម្បី​រំកិល​ឡើង​លេខ៥​ក្នុងតារាង Premier League

Spurs ស៊ុត២គ្រាប់ក្នុងម៉ោងបន្ថែម យកឈ្នះ Leicester ៣-២ ដើម្បីរំកិលឡើងលេខ៥ក្នុងតារាង Premier League