ផ្លឹស-ខេអេក ញូវ

ក្រសួងសុខាភិបាល ប្រាប់ឱ្យប្រុងប្រយ័ត្នពីជំងឺផ្ដាសាយបក្សី ការពុលចំណី ឬស្រា នាឱកាសបុណ្យចូលឆ្នាំចិន

សង្គម
January 24th, 2022 (4 years)
Views: 266
Share

ភ្នំពេញ៖ ក្រសួងសុខាភិបាល នៅចន្ទ ទី២៤ ខែមករា ឆ្នាំ២០២២ នេះ បានណែនាំអាជ្ញាធរ ខេត្ត ស្រុក ក្រុង ខណ្ឌ រដ្ឋបាលឃុំ/សង្កាត់ ត្រូវចាត់តាំងកម្លាំងគ្រប់គ្រង ឃ្លាំមើល នៅតាមកសិដ្ឋាន ទីផ្សារលក់សត្វបសុបក្សីរស់ ដោយមានការត្រួតពិនិត្យការអនុវត្តវិធានការការពារ ឱ្យបានហ្មត់ចត់ ដើម្បីជៀសផុតពីការផ្ទុះចេញនូវជំងឺផ្ដាសាយបក្សីក្នុងសហគមន៍របស់ខ្លួន នាឱកាសបុណ្យរៀបចំសែនដូនតា (ចូលឆ្នាំចិន) និងឱកាសចូលឆ្នាំថ្មីប្រពៃណីជាតិខ្មែរ នាពេលខាងមុខ។

ក្នុងសេចក្ដីណែនាំក្រើនរំឭករបស់ក្រសួងសុខាភិបាលនេះ បានបន្តថា ត្រូវត្រួតពិនិត្យទីតាំងបិទស្រា ស ឬផលិតស្រា ស ហើយអ្នករៀបចំ ឬអ្នកផលិតស្រា ស ត្រូវធានានូវការ អនុវត្តតាមក្បួនបច្ចេកទេសត្រឹមត្រូវ ដោយមិនយកសារធាតុមេតាណុល មកលាយធ្វើជាស្រា ស ផ្តេសផ្តាសនោះឡើយ។ សម្រាប់ប្រជាពលរដ្ឋ ដាច់ខាតមិនត្រូវទិញ ឬផលិត ឬបរិភោគសាស ដែលមិនមានប្រភពផលិតច្បាស់លាស់ ហើយដែលមិនគោរពតាមបទដ្ឋានបច្ចេកទេសត្រឹមត្រូវ ឬយកមេតាណុលមកលាយធ្វើជាស្រា ស ដែលបង្កឱ្យមានការពុល រហូតដល់ស្លាប់បាត់បង់ជីវិត។

ជាមួយគ្នានេះ ក្រសួងសុខាភិបាល បានណែនាំឱ្យបន្តអនុវត្តវិធានការ ៣ការពារ ៣កុំ សម្អាតដៃញឹកញាប់ ដើម្បីទប់ស្កាត់ការរីករាលដាលកូវីដ១៩ផងដែរ៕

អត្ថបទទាក់ទង

ក្រសួងសុខាភិបាល ប្រាប់ឱ្យ​ប្រុងប្រយ័ត្ន​ពី​ជំងឺផ្ដាសាយបក្សី ការពុលចំណី ឬស្រា នា​ឱកាស​បុណ្យចូលឆ្នាំចិន

ក្រសួងសុខាភិបាល ប្រាប់ឱ្យប្រុងប្រយ័ត្នពីជំងឺផ្ដាសាយបក្សី ការពុលចំណី ឬស្រា នាឱកាសបុណ្យចូលឆ្នាំចិន