×

កម្ពុជា ឈរ​នៅ​ចំណាត់ថ្នាក់​កំពូល​ទាំង១៥​លើ​ពិភពលោក ជាប្រទេស​ល្អបំផុត​សម្រាប់​ការចូលនិវត្តន៍

ភ្នំពេញ៖ យោងតាមទស្សវដ្តី International Living Magazine បានចេញផ្សាយសន្ទស្សន៍ការចូលនិវត្តន៍សាកល ឆ្នាំ២០២២ ដែលបង្ហាញពីចំណាត់ថ្នាក់ប្រទេសល្អបំផុតសម្រាប់ការចូលនិវត្តន៍ ពឹងផ្អែកលើការផ្ដល់ពិន្ទុលើតម្លៃនៃការរស់នៅ អាកាសធាតុ គាំពារសុខភាព លំនៅឋាន អត្ថប្រយោជន៍និងការបញ្ចុះតម្លៃ ឱកាស ដំណើរការទិដ្ឋាការ ព្រមទាំងឱកាសនិងការអភិវឌ្ឍ។

ប្រទេសកម្ពុជា បានស្ថិតនៅចំណាត់ថ្នាក់លេខ១៤ នៅលើពិភពលោក ជាប្រទេសល្អបំផុតសម្រាប់ការចូលនិវត្តន៍។ យោងតាមសន្ទស្សន៍ការចូលនិវត្តន៍សាកល ឆ្នាំ២០២២របស់ទស្សនាវដ្តីខាងលើ បានផ្ដល់ពិន្ទុសរុប ៧២,៣ ពីពិន្ទុពេញ១០០។ កម្ពុជា ឈរនៅចំណាត់ថ្នាក់លេខ២ផងដែរនៅតំបន់អាស៊ាន ដែលជាប្រទេសល្អបំផុតសម្រាប់ការចូលនិវត្តន៍។

ប្រទេសកំពូលទាំង ៣ សម្រាប់ការចូលនិវត្តន៍សាកល ឆ្នាំ២០២២ រួមមានប្រទេស ប៉ាណាម៉ា (៨៦,១ពិន្ទុ) កូស្ដារីកា (៨៥,១ពិន្ទុ) និង ម៉ិកស៊ិក (៨៣,៨ពិន្ទុ)។

សូមជម្រាបថា សន្ទស្សន៍ការចូលនិវត្តន៍សាកល ត្រូវបានប្រមូលពីមតិរាប់រយ និងបទពិសោធន៍ជីវិតពិត ព័ត៌មាន ដែលចងក្រងដោយប្រភពគួរឱ្យទុកចិត្ត នៅក្នុងគោលដៅចូលនិវត្តន៍ដ៏ល្អបំផុតនៅទូទាំងពិភពលោក៕

ប្រភព៖ International Living Magazine

អ្នកអាចចែករំលែកដោយ៖

អត្ថបទទាក់ទង