ផ្លឹស-ខេអេក ញូវ

សិស្សពូកែនិទ្ទេសAទាំង៥៤នាក់ នៅខេត្តត្បូងឃ្មុំ ទទួលបានកុំព្យូទ័រយូដៃម្នាក់១គ្រឿង ជារង្វាន់លើកទឹកចិត្តរបស់លោក ហ៊ុន ម៉ាណែត

សង្គម
January 25th, 2022 (3 years)
Views: 441
Share

ត្បូងឃ្មុំ៖ កុំព្យូទ័រយួរដៃ (computer latop) ចំនួន ៥៤គ្រឿង ព្រមទាំងថវិកា ជារង្វាន់របស់ លោក ហ៊ុន ម៉ាណែត ត្រូវបាន លោក ជាម ច័ន្ទសោភ័ណ អភិបាលខេត្តត្បូងឃ្មុំ នាំយកទៅផ្តល់ជូនសិស្សានុសិស្សប្រលងជាប់សញ្ញាបត្រទុតិយភូមិ(បាក់ឌុប) និទ្ទេសA ទាំង៥៤នាក់ ក្នុងឆ្នាំសិក្សា២០២០-២០២១ ដែលជាការលើកទឹកចិត្តដល់អ្នកដែលបានខិតខំសិក្សា ប្រលងជាប់ទទួលបាននិទ្ទេសល្អ ក្នុងចំណោមសិស្សដែលប្រលងជាប់ជាស្ថាពរសរុបចំនួន ២៩៤៤នាក់ ក្នុងខេត្តត្បូងឃ្មុំទាំងមូល ទោះជាស្ថិតក្នុងការលំបាកសិក្សារៀនសូត្រ។

ជាមួយនឹងការផ្ដល់ជូននេះ លោក ជាម ច័ន្ទសោភ័ណ បានផ្ដាំផ្ញើ និងណែនាំដល់សិស្សៗទាំងអស់ត្រូវខិតខំបន្តការសិក្សានៅថ្នាក់ឧត្តមសិក្សាឱ្យបានជោគជ័យគ្រប់គ្នា ពិសេសត្រូវជ្រើសរើសមុខជំនាញដែលខ្លួនពេញចិត្ត ក្នុងនោះក៏ត្រូវខិតខំប្រឹងរៀនភាសាបរទេស និងជំនាញកុំព្យូទ័រ ព្រោះជំនាញទាំងពីរនេះ ជាស្ពានយ៉ាងសំខាន់ទាំងក្នុងការសិក្សា និងពេលចេញទៅធ្វើការងារផ្សេងៗ។

សូមជម្រាបថា នេះជាលើកទី ២ហើយ សម្រាប់សិស្សានុសិស្សដែលប្រឡងជាប់និទ្ទេសA ក្នុងខេត្តត្បូងឃ្មុំ ទទួលបានការលើកទឹកចិត្តពីថ្នាក់ដឹកនាំ គណបក្សកាលពីថ្ងៃទី២០ កន្លងទៅ។ ពួកគាត់ក៏បានទទួលការលើកទឹកចិត្តពីសំណាក់លោកឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដីន គរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តត្បូងឃ្មុំផងដែរ៕

ដោយ៖ ជឹង សេងឡុង

អត្ថបទទាក់ទង