×

Moses Chan ខ្លាច​ឆ្លងកូវីដ១៩​ដោយ​អចេតនា និង​អាចនាំទុក្ខ​ដល់​ប្រពន្ធកូន ដល់​ថ្នាក់​សូម្បី​តែគេង​ពេលយប់​ក៏​លោក​ពាក់ម៉ាសដែរ

ហុងកុង៖ ចាប់តាំងពីវីរុសកូវីដ១៩បានរីករាលដាលទូទាំងពិភពលោកមក តារាសម្តែងដ៏មានប្រជាប្រិយភាព Moses Chan តែងមានការប្រុងប្រយ័ត្នខ្ពស់បំផុតមិនថាពេលចូលរួមក្នុងកម្មវិធីណាមួយ ឬថតភាពយន្តឡើយ គឺលោកតែងពាក់ម៉ាស និងព្យាយាមរក្សាគម្លាតតាមដែលអាចធ្វើបាន។

ក្នុងពេលថ្មីៗនេះដែរ តារាសម្តែងប្រុសវ័យ ៥០ឆ្នាំរូបនេះ ក៏មមាញឹកក្នុងការថតភាពយន្តថ្មីរបស់លោក ដូចនេះបន្ទាប់ពីថតចប់មួយឈុតៗលោក តែងប្រញាប់ពាក់ម៉ាស និងរក្សាគម្លាតពីក្រុមការងារឯទៀតតាមលទ្ធភាពដែលអាចធ្វើបាន។

ដោយហេតុខ្លាចឆ្លងវីរុសនេះដោយអចេតនា សូម្បីតែពេលត្រលប់ទៅផ្ទះវិញ លោកបានរក្សាគម្លាតជាមួយប្រពន្ធកូន និងពាក់ម៉ាសគេងពេលយប់ទៀតផង។ លោកបានបញ្ជាក់ឱ្យដឹងថា ក្នុងផ្ទះមានក្មេងច្រើនណាស់ ដូចនេះលោក ត្រូវមានការប្រុងប្រយ័ត្នឱ្យបានខ្ពស់បំផុត ដើម្បីឱ្យប្រាកដចិត្តថា ប្រពន្ធកូនរបស់លោក មានសុវត្ថិភាព៕

 

អ្នកអាចចែករំលែកដោយ៖

អត្ថបទទាក់ទង