ផ្លឹស-ខេអេក ញូវ

Manchester City ចង់ដោះស្រាយវិបត្តិខ្សែប្រយុទ្ធ ជាមួយនឹងកីឡាករម្នាក់របស់ក្រុម River Plate

កីឡា
January 25th, 2022 (3 years)
Views: 288
Share

ក្រុមManchester City សង្ឃឹមថា នឹងឈានដល់កិច្ចព្រមព្រៀងជាមួយក្លិបអាហ្សង់ទីន River Plate ដើម្បីនាំយកខ្សែប្រយុទ្ធអាហ្សង់ទីន Julian Alvarez មកកាន់ក្របខណ្ឌ Premier League ស្របពេលដែលក្រុមការពារតំណែងជើងឯកលីគកំពូលអង់គ្លេស ជួបវិបត្តិខ្វះខ្សែប្រយុទ្ធ។

Alvarez បានស៊ុតបញ្ចូលទីបាន ៣៦គ្រាប់ក្នុងការបង្ហាញខ្លួន ៩៦ លើកសម្រាប់ក្រុមជើងឯកអាហ្សង់ទីន River Plate ហើយត្រូវបានគេចាត់ទុកថា ជាកីឡាករវ័យក្មេងដែលមានអំណោយផលបំផុតនៅតំបន់អាមេរិកខាងត្បូង។

ក្នុងវ័យ ២១ឆ្នាំខ្សែប្រយុទ្ធរូបនេះ បានប្រកួតអន្តរជាតិទល់នឹងក្រុមជម្រើសជាតិឈីលី កាលពីរដូវក្តៅមុន និងជាផ្នែកមួយនៃក្រុមអាហ្សង់ទីនដែលបានឈ្នះពាន Copa America កាលពីខែកក្កដា។ ខ្សែប្រយុទ្ធរូបនេះ ជាប់កិច្ចសន្យាជាមួយ River Plate រហូតដល់ខែធ្នូ ឆ្នាំ២០២២។

អ្នកចាត់ការទូទៅរបស់ Man City លោក Pep Guardiola យល់ថា ការចុះហត្ថលេខាណាមួយ មិនមែនជារឿងចាំបាច់នោះទេ ខណៈក្រុមរបស់លោក កំពុងនាំមុខក្រុមលេខ២ Liverpool ចំនួន ៩ ពិន្ទុនៅលើកំពូលតារាង Premier League ។

Alvarez ត្រូវបានកោះហៅសម្រាប់ការប្រកួតជម្រុះ World Cup ទល់នឹងក្រុមឈីលី និងកូឡុំប៊ី ផងដែរ។

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០ នៅលើកញ្ចក់ទូរទស្សន៍ CTN ហ្វេសប៊ុកផេកផ្លូវការ CTN TV និង ហ្វេសប៊ុកផេក CBS Sport ។ បន្ទាប់មក នៅរៀងរាល់ចុងសប្ដាហ៍ ទស្សនិកជន ក៏អាចទស្សនាការប្រកួតក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង

Manchester City ចង់​ដោះស្រាយ​វិបត្តិ​ខ្សែប្រយុទ្ធ ជាមួយនឹង​កីឡាករម្នាក់​របស់​ក្រុម River Plate

Manchester City ចង់ដោះស្រាយវិបត្តិខ្សែប្រយុទ្ធ ជាមួយនឹងកីឡាករម្នាក់របស់ក្រុម River Plate