ផ្លឹស-ខេអេក ញូវ

ព្រឹកៗឡើងយកទារកទើបកើតហាលថ្ងៃ មានប្រយោជន៍ច្រើនណាស់

សម្រស់ជីវិត
January 26th, 2022 (3 years)
Views: 451
Share

ស្បែកទារកទើបកើតងាយនឹងប្រតិកម្ម ចាំបាច់ត្រូវការពារពីផលប៉ះពាល់ពីកម្ដៅព្រះអាទិត្យ ប៉ុន្តែពន្លឺថ្ងៃតិចៗ ពិសេសពេលព្រឹក ផ្ដល់ប្រយោជន៍ច្រើនយ៉ាងដល់កូន ប្រសិនបើម៉ាក់ៗឧស្សាហ៍ដាក់ទារកទើបកើតហាលពន្លឺថ្ងៃ។ ការដាក់ទារកទើបកើតហាលពន្លឺថ្ងៃ ភាគច្រើនធ្វើចំពោះក្មេងកើតជំងឺខាន់លឿង ប៉ុន្តែទោះអាអូនកើត ឬមិនកើតក្ដី យើងសុទ្ធតែអាចដាក់កូនហាលថ្ងៃព្រោះល្អចំពោះកូន។ នេះបើតាមការលើកឡើងរបស់លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ។

១. បង្កើនវីតាមីន D

ការដាក់កូនហាលថ្ងៃពេលព្រឹក ជាគុណប្រយោជន៍ធំបំផុតមួយ បើម៉ាក់ប៉ាដាក់ទារកទើបកើតហាលពន្លឺថ្ងៃពេលព្រឹក។ រាងកាយយើងត្រូវការវីតាមីន D ហើយដើម្បីទទួលបានវីតាមីន D រាងកាយត្រូវនៅក្រោមកាំរស្មី UV របស់ព្រះអាទិត្យពេលព្រឹកយ៉ាងតិច ១៥នាទីជារៀងរាល់ថ្ងៃ អាស្រ័យទៅតាមពណ៌ស្បែករបស់ទារក។ ប៉ុន្តែយើងមិនត្រូវដាក់ទារកទើបកើតហាលពន្លឺថ្ងៃលើស ៣០នាទីក្នុងមួយថ្ងៃឡើយ។ វីតាមីន D ក៏ជួយក្នុងការបឺតស្រូបជាតិកាល់ស្យូម ដើម្បីជួយឱ្យឆ្អឹង និងធ្មេញរឹងមាំ ប្រព័ន្ធភាពស៊ាំរឹងមាំជាដើម។

២. កាត់បន្ថយជំងឺខាន់លឿង

ពន្លឺព្រះអាទិត្យជួយបំបែកប៊ីលីរ៉ូប៊ីន (Bilirubin) ជាសមាសធាតុពណ៌លឿងដែលកើតឡើងតាមផលិតកម្ម Catabolic ធម្មជាតិ ដូច្នេះថ្លើមទារកអាចដំណើរការបានកាន់តែងាយស្រួល។ ការលូតលាស់ប៊ីលីរ៉ូប៊ីនដែលមិនបានត្រួតពិនិត្យអាចបណ្ដាលឱ្យស្បែកទារកទើបកើតឡើងលឿងបាន ហើយការដាក់ទារកទើបកើតហាលពន្លឺថ្ងៃអាចជួយកាត់បន្ថយអាអូនមិនឱ្យកើតជំងឺខាន់លឿង។

៣. បង្កើនកម្រិតអាំងស៊ុយលីន

ការទទួលពន្លឺថ្ងៃតាំងពីវ័យក្មេងអាចជួយការពារស្ថានភាពដូចជាជំងឺទឹកនោមផ្អែមក្នុងកម្រិតជាក់លាក់មួយ។ ទោះបីជាពន្លឺព្រះអាទិត្យមិនមែនជាអ្នកសម្របសម្រួលតែមួយគត់នៃកម្រិតអ៊ាំងស៊ុយលីនដ៏ល្អក៏ដោយ ការដាក់ទារកទើបកើតហាលពន្លៃថ្ងៃពិតជាមានប្រយោជន៍ ព្រោះថាវីតាមីន D នៅក្នុងខ្លួនជួយគ្រប់គ្រងកម្រិតអាំងស៊ុយលីន។

៤. បញ្ចេញអ័រម៉ូន Serotonin

ពន្លឺព្រះអាទិត្យជួយបង្កើនការផលិតអ័រម៉ូន Serotonin ឬអាចហៅបានថា អ័រម៉ូនរីករាយ បង្កើនអារម្មណ៍នៃសប្បាយរីករាយ និងសុវត្ថិភាព ហើយអ័រម៉ូននេះក៏ជួយគ្រប់គ្រងការគេង និងការរំលាយអាហាររបស់ទារកផងដែរ។

៥. បង្កើនថាមពល

ការដាក់ទារកទើបកើតត្រូវពន្លឺថ្ងៃ ជួយដល់ការផលិត Melatonin ដែលរួមចំណែកដល់ការគេងរបស់ទារក ហើយមានប្រយោជន៍បំផុតសម្រាប់ក្មេងៗក្នុងវ័យលូតលាស់ដំបូង។ ពន្លឺព្រះអាទិត្យនឹងធ្វើឱ្យថយចុះកម្រិត Melatonin និងបង្កើន Serotonin ជួយឱ្យក្មេងគេងលក់ស្ងប់ មានភាពរីករាយ និងជួយឱ្យរាងកាយកូនមានថាមពលបានពេញមួយថ្ងៃ៕

ប្រភព៖ Hellokrupet

អត្ថបទទាក់ទង

ព្រឹកៗឡើង​យក​ទារក​ទើប​កើត​ហាលថ្ងៃ មានប្រយោជន៍​ច្រើន​ណាស់

ព្រឹកៗឡើងយកទារកទើបកើតហាលថ្ងៃ មានប្រយោជន៍ច្រើនណាស់