ព័ត៌មានថ្មី
- ហេតុអ្វីការតោងបែបនេះ សំខាន់សម្រាប់ការតេស្តសាកល្បងលើបេក្ខជនកម្លាំងគោជល់ Red Bull Power ?
- លោកជំទាវអ្នកឧកញ៉ា ម៉ៅ ចំណាន គិតម៉េង ដឹកនាំគណៈប្រតិភូសមាគមសិល្បករខ្មែរ ទស្សនកិច្ចនៅអង្គការហ្វារពន្លឺសិល្បៈ ខេត្តបាត់ដំបង
- «សមរភូមិសំណើច» សប្ដាហ៍នេះ ការប្រកួតដ៏សំខាន់ ក្រុមផ្ការីកត្រៀមចូលសមរភូមិលើទីលាន ដើម្បីសម្រេចជោគវាសនារបស់ក្លិប
- លោកជំទាវអ្នកឧកញ៉ា ម៉ៅ ចំណាន គិតម៉េង ប្រធានសមាគមសិល្បករខ្មែរ បានរៀបចំជំនួបពិភាក្សាដាច់ដោយឡែកមួយជាមួយនឹងសមាជិកសកម្មរបស់សមាគមសិល្បករខ្មែរ ជុំវិញដំណើរវិវត្តន៍ការងាររយៈពេល១ឆ្នាំ
- កម្មវិធីកម្លាំងគោជល់ ឧបត្ថម្ភផ្ដាច់មុខដោយ Red Bull លាតត្រដាងបេក្ខភាពឈានទៅវគ្គបន្ទាប់ 15 នាក់ដំបូង ខណៈអ្នកជាប់នឹងត្រូវបង្ហាញជាបន្តបន្ទាប់
Barcelona និង Juventus ចង់បាន Aubameyang របស់ Arsenal ក្នុងលក្ខខណ្ឌខ្ចីជើង
- កីឡា
- January 29th, 2022 (3 years)
ក្លិបកាំភ្លើងធំ Arsenal បានទទួលការទាក់ទងជាផ្លូវការពីក្លិប Barcelona និង Juventus ដើម្បីចុះហត្ថលេខាលើខ្សែប្រយុទ្ធ Pierre-Emerick Aubameyang ក្នុងលក្ខខ័ណ្ឌខ្ចីជើងរហូតដល់ចប់រដូវកាល។ នេះបើយោងតាមប្រភពសារព័ត៌មាន The Athletic បានរាយការ៍។
អនាគតរបស់ Aubameyang កំពុងស្ថិតក្នុងមន្ទិលសង្ស័យ ចាប់តាំងពីគេ ត្រូវបានដកហូតតំណែងប្រធានក្រុម Arsenal ហើយត្រូវបានហ្វឹកហាត់តែម្នាក់ឯង សម្រាប់ការបំពានវិន័យ។
កាលពីសប្តាហ៍មុន ក្រុម Al-Hilal នៅក្នុងប្រទេសអារ៉ាប៊ីសាអូឌីត បានដាក់សំណើមួយ ដើម្បីយកកីឡាករវ័យ ៣២ឆ្នាំរូបនេះ នៅក្នុងលក្ខខណ្ឌខ្ចីជើង ជាមួយនឹងជម្រើសក្នុងការទិញផ្ដាច់ និងរ៉ាប់រងប្រាក់បៀវត្សរ៍ពេញលេញរបស់គេ។
ហើយបច្ចុប្បន្ន Barcelona និង Juventus បានចូលខ្លួនមកពិភាក្សាចំពោះលទ្ធភាពនៃការខ្ចីជើងខ្សែប្រយុទ្ធសញ្ជាតិហ្គាបុងរូបនេះផងដែរ មុនពេលទីផ្សារដោះដូរកីឡាករនាខែមករានេះ ត្រូវបានបិទ។
ការពិភាក្សាត្រូវបានគេរំពឹងថា នឹងផ្តោតលើថ្លៃនឿយហត់របស់ Aubamayang ដែលមានប្រហែល ៣៥ម៉ឺនផោនក្នុងមួយសប្តាហ៍។ Arsenal នឹងធ្វើការសម្រេចចិត្តនៅពេលបន្ទាប់ ក្រោយការចរចាត្រូវបានបញ្ចប់។
កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០ នៅលើកញ្ចក់ទូរទស្សន៍ CTN ហ្វេសប៊ុកផេកផ្លូវការ CTN TV និង ហ្វេសប៊ុកផេក CBS Sport ។ បន្ទាប់មក នៅរៀងរាល់ចុងសប្ដាហ៍ ទស្សនិកជន ក៏អាចទស្សនាការប្រកួតក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕
អត្ថបទទាក់ទង
MasterChef Cambodia
RED BULL POWER
