ផ្លឹស-ខេអេក ញូវ

សូមកោតសរសើរ! ក្រុមគ្រួពេទ្យមន្ទីរពេទ្យគន្ធបុប្ផា បានធ្វើការវះកាត់ដោយជោគជ័យ ជួយសង្គ្រោះទារកម្នាក់ ដែលមានជំងឺបេះដូងពីកំណើតដ៏កម្រ និងមានគ្រោះថ្នាក់ធ្ងន់ធ្ងរ

សង្គម
February 4th, 2022 (3 years)
Views: 181
Share

ភ្នំពេញ៖ មន្ទីរពេទ្យគន្ធបុប្ផា បានឱ្យដឹងថា មានករណីទារក អាយុ៧ខែម្នាក់ មកពីខេត្តតាកែវ មានជំងឺបេះដូងពីកំណើតដ៏កម្រ ដោយចំហបេះដូងថតលើ ថតក្រោម (VSD and ASD) សរសៃឈាមតភ្ជាប់សរសៃឈាមធំបេះដូងបិទមិនជិត (PDA) និងមានសរសៃឈាមកូរ៉ូណែរចិញ្ចឹមបេះដូងរីកធ្លាយចូលថតបេះដូងស្តាំ នាំឲ្យរីកបេះដូងយ៉ាងធ្ងន់ធ្ងរបំផុត។

ទោះយ៉ាងណា ក្រុមគ្រូពេទ្យឯកទេសកម្ពុជានៃមន្ទីរពេទ្យគន្ធបុប្ផា បានធ្វើការរោគវិនិច្ឆ័យបានត្រឹមត្រូវ និងបានធ្វើការវះកាត់ជួយសង្គ្រោះបេះដូងទារកតូចម្នាក់នេះដោយជោគជ័យ ហើយក្រោយទទួលការវះកាត់រួច ទារកតូចនេះ កំពុងមានសុខភាពល្អប្រសើរ។

មន្ទីរពេទ្យគន្ធបុប្ផា បញ្ជាក់ទៀតថា រាល់ការព្យាបាលទាំងអស់ គឺឥតគិតថ្លៃសម្រាប់កុមារគ្រប់ៗគ្នា ដោយគ្មានការរើសអើង ហើយរាល់ការបរិច្ចាគ ១ដុល្លាររបស់លោកអ្នក គឺពិតជាបានជួយព្យាបាល សង្គ្រោះ និងការពារជីវិត។ មន្ទីរពេទ្យ ក៏បានអរគុណមូលនិធិគន្ធបុប្ផាកម្ពុជា និងមូលនិធិគន្ធបុប្ផាស្វីសផងដែរ៕

អត្ថបទទាក់ទង