ផ្លឹស-ខេអេក ញូវ

ការពិត Tangmo ខំប្រឹងឆ្លៀតលក់សម្លៀកបំពាក់បន្ទាប់ពីការងារសិល្បៈដោយសារជាប់បំណុលធនាគារច្រើនបែបនេះសោះ

កម្សាន្ត
February 9th, 2022 (3 years)
Views: 198
Share

ថៃ៖ រយៈពេលជិត២០ឆ្នាំមកហើយដែល Tangmo បានសាងកេរ្តិ៍ឈ្មោះលើវិថីសិល្បៈតាមរយៈការសម្តែងភាពយន្ត និងចូលរួមក្នុងកម្មវិធីនានាកន្លងមក បានធ្វើឱ្យប្រជាប្រិយភាពតារាសម្តែងរូបនេះទទួលបានការចាប់អារម្មណ៍បានគួរសម។

ទោះជាយ៉ាងណា ជីវិតរបស់តារាស្រីរូបនេះបានជួបព្យុះភ្លៀងជាច្រើន មិនត្រឹមតែប៉ុណ្ណោះនាងក៏មានជំងឺបាក់ទឹកចិត្តតាំងពីថ្នាក់វិទ្យាល័យម្ល៉េះ។ សូម្បីតែជីវិតគូក៏មិនសមបំណងដែរ ដោយ Tangmo ធ្លាប់បានបែកបាក់ជាមួយនឹងអតីតគូដណ្តឹងជាតារាចម្រៀងគឺលោក Tono រហូតឈឺចាប់ដល់ថ្នាក់លេបថ្នាំសម្លាប់ខ្លួនទៀតផង។

រីឯកាលពីប៉ុន្មានឆ្នាំមុននេះទៀតសោត Tangmo បានបាត់បង់ឪពុកជាទីស្រលាញ់ផងដែរ។ ជីវិតរបស់តារាស្រីរូបនេះមិនសូវទទួលបានសេចក្តីសុខប៉ុន្មានឡើយ មិនត្រឹមតែប៉ុណ្ណោះនាងថែមទាំងជាប់បំណុលធនាគារជាង ៣០ម៉ឺនដុល្លារ និងត្រូវខំប្រឹងរកប្រាក់ដើម្បីដោះបំណុលតែម្នាក់ឯង។

ទោះជាយ៉ាងណា នាងក៏មានជំហរគ្រប់គ្រាន់ដោយសុខចិត្តធ្វើការងារគ្រប់សព្វបែបយ៉ាង គ្មានពេលវេលាសម្រាកដើម្បីបានប្រាក់ទៅសងធនាគារ។ ក្នុងនោះ ក្រៅពីការងារសិល្បៈហើយ Tangmo បានឆ្លៀតពេល ៣ម៉ោងក្នុងមួយថ្ងៃដើម្បីលក់សម្លៀកបំពាក់បន្ថែម ដោយនៅថ្ងៃដែលលក់ដាច់ខ្លាំង នាងអាចលក់បានប្រមាណ ៦០០ដុល្លារក្នុងមួយថ្ងៃ។

រយៈពេលមិនដល់២ឆ្នាំនៃការខិតខំប្រឹងប្រែងរបស់តារាស្រីវ័យ ៣៧ឆ្នាំរូបនេះ បានធ្វើឱ្យបំណុលធនាគាររបស់នាងដោះបានពាក់កណ្តាលហើយ។ Tangmo បានឱ្យដឹងថា នាងពិតជាមានមោទកភាពលើខ្លួនឯងជាខ្លាំងចំពោះភាពខិតខំប្រឹងប្រែងកន្លងមករហូតបំណុលបានធ្លាក់ចុះអស់ពាក់កណ្តាលត្រឹមរយៈពេល២ឆ្នាំ៕

អត្ថបទទាក់ទង