ផ្លឹស-ខេអេក ញូវ

ហ្វីលីពីន បើកប្រទេសឡើងវិញសម្រាប់អ្នកធ្វើដំណើរបរទេស

សង្គម
February 11th, 2022 (5 years)
Views: 259
Share

ម៉ានីល៖ ប្រទេសហ្វីលីពីន កាលពីថ្ងៃព្រហស្បតិ៍ ទី១០ ខែកុម្ភៈ ឆ្នាំ២០២២ បានបើកព្រំដែនទាំងអស់របស់ខ្លួនឡើងវិញ ចំពោះភ្ញៀវទេសចរបរទេស ដោយបានលុបចោលបម្រាមរយៈពេលពីរឆ្នាំ ដែលបានអនុវត្តដើម្បីការពារការរាលដាលនៃជំងឺកូវីដ១៩។

រដ្ឋលេខាធិការទេសចរណ៍ Bernadette Romulo-Puyat បាននិយាយថា ជនបរទេសដែលបានចាក់វ៉ាក់សាំងពេញលេញពីប្រទេសចំនួន១៥៧ ត្រូវបានអនុញ្ញាតឱ្យចូលទៅទស្សនាប្រទេសហ្វីលីពីន ជាមួយនឹងការរៀបចំដោយគ្មានទិដ្ឋាការ។

ប្រទេសនៅអាស៊ីអាគ្នេយ៍ បានរាយការណ៍ពីភ្ញៀវទេសចរធ្លាក់ចុះ ៨២% ចន្លោះឆ្នាំ២០១៩ និង២០២០ នៅពេលដែលជំងឺរាតត្បាតបានចាប់ផ្តើម។

មន្ត្រីអន្តោប្រវេសន៍ Jaime Morente បាននិយាយថា អ្នកទេសចរ គ្រាន់តែត្រូវបង្ហាញឯកសារ ដូចជាព័ស្តុតាងនៃការចាក់វ៉ាក់សាំង និងលទ្ធផលតេស្តកូវីដ១៩អវិជ្ជមានប៉ុណ្ណោះ។ ការិយាល័យអន្តោប្រវេសន៍ហ្វីលីពីនរំពឹងថានឹងមានភ្ញៀវមកដល់ប្រហែល ៧០០០ នាក់នៅថ្ងៃព្រហស្បតិ៍ ហើយសង្ឃឹមថាចំនួននោះនឹងកើនឡើងដល់ ១០០០០ ទៅ ១២០០០ នាក់ជារៀងរាល់ថ្ងៃ នៅក្នុងខែបន្ទាប់។

ដំបូងឡើយហ្វីលីពីន គ្រោងនឹងទទួលយកអ្នកដំណើរបរទេសដែលចូលមកក្នុងប្រទេស ចាប់ពីខែធ្នូ ឆ្នាំមុន ប៉ុន្តែផែនការនេះ ត្រូវបានពន្យារពេល ដោយសារតែការកើនឡើងនៃករណីឆ្លងមេរោគអូមីក្រុង។

នាយកដ្ឋានទេសចរណ៍ បាននិយាយថា បុគ្គលិកជាង ៣៤៩.០០០នាក់ នៅក្នុងប្រទេសហ្វីលីពីន ពឹងផ្អែកលើវិស័យទេសចរណ៍។ ទីផ្សារទេសចរណ៍កំពូលរបស់ប្រទេសហ្វីលីពីន គឺ កូរ៉េខាងត្បូង សហរដ្ឋអាមេរិក ចិន និងជប៉ុន៕

អត្ថបទទាក់ទង

ហ្វីលីពីន បើក​ប្រទេស​ឡើងវិញ​សម្រាប់​អ្នកធ្វើដំណើរ​បរទេស

ហ្វីលីពីន បើកប្រទេសឡើងវិញសម្រាប់អ្នកធ្វើដំណើរបរទេស