ផ្លឹស-ខេអេក ញូវ

Premier League Preview៖ ការប្រកួត Liverpool ទល់នឹង Leeds ផ្សាយបន្តផ្ទាល់នៅ MyTV យប់នេះ

កីឡា
February 23rd, 2022 (3 years)
Views: 234
Share

Liverpool ធ្វើជាម្ចាស់ផ្ទះទទួលភ្ញៀវ Leeds United ក្នុងការប្រកួតក្របខណ្ឌ Premier League ដែលជាការប្រកួតឡើងវិញសម្រាប់ថ្ងៃ Boxing Day ដែលត្រូវបានពន្យារពេល កាលពីឆ្នាំមុន។

ក្រុមហង្សក្រហម កំពុងប្រជែងជាពានរង្វាន់ ជាមួយក្រុមកំពូលតារាង Manchester City ដែលមានគម្លាតចំនួន ៦ពិន្ទុ។ Leeds បាន បង្ហាញ ទម្រង់ លេង ល្អមួយ ក្នុងការប្រកួទទល់នឹង Manchester United កាល ពី ថ្ងៃ អាទិត្យ ទោះបីជាលទ្ធផលត្រូវបរាជ័យ ៤-២ ក៏ដោយ។

លោក Jurgen Klopp អ្នកចាត់ការ Liverpool បានធ្វើការផ្លាស់ប្តូរកីឡាករចំនួន ៧នាក់សម្រាបតំណែង១១នាក់ដំបូង ក្នុងការប្រកួតដែលបានយកឈ្នះ Norwich ។ ខ្សែការពារ Trent Alexander-Arnold និង Andy Robertson បានសម្រាក ប៉ុន្តែគួរតែត្រលប់មកក្រុមវិញសម្រាប់ការប្រកួតយប់នេះ ខណៈខ្សែបម្រើ Fabinho និង Thiago ក៏ត្រូវបានសម្រាកដែរ ប៉ុន្តែ Thiago បានប្ដូរចូលជាកីឡាករបម្រុងកាលពីប្រកួតមុន។

ត្រៀមសម្រាប់វគ្គផ្តាច់ព្រ័ត្រ Carabao Cup កីឡាករ Divock Origi អាចត្រូវបានផ្តល់ការចាប់ផ្តើមដំបូងជាមួយ Mohamed Salah និង Sadio Mane ។ កីឡាករ Diogo Jota និង Roberto Firmino នឹងអវត្តមាន។

មុនដល់ការប្រកួតនេះ កីឡាករ Robin Koch របស់ Leeds ទំនង ជា មិន អាច ចូល រួម បាន ទេ ដោយ បាន រង របួស ក្បាល អំឡុង ពេល ចាញ់ Manchester United។ Raphinha បានចាប់ផ្តើមការប្រកួតនោះ នៅកៅអីបម្រុង ប៉ុន្តែបានស៊ុតបញ្ចូលទី១គ្រាប់។ តួអង្គសំខាន់ Kalvin Phillips, Liam Cooper និង Patrick Bamford នៅតែអវត្តមានដោយសាររបួសរបស់ពួកគេ។

នេះអាចជាជម្រើស១១នាក់ដំបូងរបស់ Liverpool ដែលអាចប្រើប្រាស់ទម្រង់ ៤-៣-៣ ៖

Alisson (GK); Trent Alexander-Arnold (RB), Ibrahima Konate (CB), Virgil van Dijk (CB), Andy Robertson (LB); Naby Keita (CM), Fabinho (CM), Thiago (CM); Mohamed Salah (RW), Divock Origi (ST), Sadio Mane (LW)

នេះអាចជាជម្រើស១១នាក់ដំបូងរបស់ Leeds ដែលអាចប្រើប្រាស់ទម្រង់ ៖

Illan Meslier (GK); Luke Ayling (RB), Diego Llorente (CB), Pascal Struijk (CB), Junior Firpo (LB); Adam Forshaw (CM), Stuart Dallas (CM), Mateusz Klich (AM); Raphinha (RW), Rodrigo (ST), Jack Harrison (LW)

ក្រុមការងារនៅ CBS Sport បានទស្សន៍ទាយថា ក្រុមទាំងពីរ នឹងមានគ្រាប់បាល់សរុបរួមច្រើនជាង៣គ្រាប់ ហើយលទ្ធផលសម្រាប់ការប្រកួតនោះគឺ ៖ Liverpool ៣-១ Leeds ។

កម្មវិធីប្រកួតសប្ដាហ៍នេះ៖

– Liverpool ប៉ះ Leeds ថ្ងៃទី២៤ ខែកុម្ភៈ ឆ្នាំ២០២២ ម៉ោង២:៤៥នាទីរំលងអាធ្រាត្រ នៅ MyTV

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០ នៅលើកញ្ចក់ទូរទស្សន៍ CTN ហ្វេសប៊ុកផេកផ្លូវការ CTN TV និង ហ្វេសប៊ុកផេក CBS Sport ។ បន្ទាប់មក នៅរៀងរាល់ចុងសប្ដាហ៍ ទស្សនិកជន ក៏អាចទស្សនាការប្រកួតក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង

Premier League Preview៖ ការប្រកួត Liverpool ទល់នឹង Leeds ផ្សាយបន្តផ្ទាល់​នៅ MyTV យប់នេះ

Premier League Preview៖ ការប្រកួត Liverpool ទល់នឹង Leeds ផ្សាយបន្តផ្ទាល់នៅ MyTV យប់នេះ