ផ្លឹស-ខេអេក ញូវ

កីឡាករទាំងអស់នៅ “CBS គុនខ្មែរ” មិនត្រឹមតែវ៉ៃដើម្បីខ្សែក្រវាត់និងប្រាក់រង្វាន់ប៉ុណ្ណោះទេ ប៉ុន្តែថែមទាំងវ៉ៃដើម្បីរឿងមួយនេះទៀត

កីឡា
February 28th, 2022 (5 years)
Views: 426
Share

លោកអ្នក ប្រហែលជាបានស្គាល់ហើយនូវកម្មវិធី CBS គុនខ្មែរ ដែលជាកម្មវិធីថ្មីប្លែករបស់ស្ថានីយទូរទស្សន៍ CTN ដែលបានសម្រិតសម្រាំងជ្រើសរើសកីឡាករចំនួន ១៦រូប មកធ្វើការប្រកួត ដោយចាប់គូជាក្រុម បង្កើតបានជា ៨ក្រុម ចែកជាប្រភេទទម្ងន់ ៥៤ គ.ក និង ៥៧ គ.ក ។

ដូចដែលធ្លាប់បានជម្រាបជូនពីមុន CBS គុនខ្មែរ មានការប្រកួតដណ្ដើមខ្សែក្រវាត់ និងប្រាក់រង្វាន់រហូតដល់ ៥០០០ដុល្លារទៀតតាមរយៈរូបមន្តសន្សំពិន្ទុដែលប្លែកមិនធ្លាប់មានពីមុនមកនៅក្នុងប្រទេសកម្ពុជា។ យ៉ាងណាមិញ ក្រៅពីក្រវាត់ និងប្រាក់រង្វាន់ហើយនោះ កីឡាករទាំងអស់ ក៏នឹងខិតខំប្រកួតដើម្បីដណ្ដើមជ័យជម្នះ និងកិត្តិយសជូនក្លិបរបស់ពួកគេរៀងៗខ្លួនផងដែរ។

ក្នុងកម្មវិធី “ពីនេះពីនោះជាមួយសុខគា” ដែលមានចាក់ផ្សាយនៅលើកញ្ចក់ទូរទស្សន៍ MyTV លោក សុខគា ពិធិករឆ្នើមមួយរូបនៅកម្ពុជា បានសួរទៅកាន់ពិធីករ លោក សេន ប៊ុនថេន និងពិធីការិនី កញ្ញា ពេជ្រ ចរណៃ អំពីកម្មវិធី “CBS គុនខ្មែរ”។

ក្នុងឱកាសនោះ លោក សេន ប៊ុនថេន បានបង្ហើបថា កីឡាករទាំង១៦រូប នៃក្រុមទាំង៨ ត្រូវបានជ្រើសរើសចេញពីក្លិបប្រដាល់ចំនួន ១៦ក្លិបផ្សេងៗគ្នាតែម្ដង។ ដូច្នេះ កីឡាករនីមួយៗ មិនអាចបន្ធូរដៃឱ្យគ្នាបានឡើយ ព្រោះត្រូវវ៉ៃយកជ័យជម្នះសម្រាប់ក្លិបរបស់ពួកគេផងដែរ។

តោះចង់ដឹងកាន់តែច្បាស់ថាតើលោក សុខគា បានសួរអ្វីខ្លះទៅកាន់ពិធីករ និងពិធីការិនីទាំងពីរ នៃកម្មវិធី CBS គុនខ្មែរ សូមទស្សនាវីដេអូខាងក្រោម៖

(តំណភ្ជាប់ វីដេអូ)

https://www.facebook.com/mytvcambodia/videos/1491356851261517/

អត្ថបទទាក់ទង