ផ្លឹស-ខេអេក ញូវ

អ្នកខ្វះកោសិកាគ្រាប់ឈាមក្រហម អាហារទាំងនេះអាចជួយបាន

សម្រស់ជីវិត
March 1st, 2022 (3 years)
Views: 688
Share

តើគ្នាយើងធ្លាប់មានអារម្មណ៍ហេវហត់ និងអស់កម្លាំងដែរទេ? អាការៈនេះអាចជារោគសញ្ញានៃជំងឺស្លេកស្លាំង (Anemia)។ ជាក់ស្ដែង ជំងឺស្លេកស្លាំងនេះ កើតឡើងនៅពេលដែលកោសិកាឈាមក្រហម (RBC) យើងមានកម្រិតទាប។ ប្រសិនបើកោសិកាឈាមក្រហមមានកម្រិតទាប រាងកាយយើងត្រូវធ្វើការកាន់តែច្រើនឡើង ដើម្បីផ្ដល់អុកស៊ីសែនទៅពាសពេញរាងកាយ។

ជាការពិតណាស់ ជំងឺស្លេកស្លាំងអាចនាំមកនូវហានិភ័យនៃជំងឺជាច្រើនទៀត ហេតុដូច្នេះហើយ យើងចាំបាច់ត្រូវបង្កើនកោសិកាឈាមក្រហមឱ្យស្ថិតនៅក្នុងកម្រិតមួយសមល្មម។
សារធាតុចិញ្ចឹមទាំង៤ ដែលជួយបង្កើនចំនួនកោសិកាឈាមក្រហម
យើងអាចបង្កើនកម្រិតកោសិកាឈាមក្រហម ដោយការញ៉ាំនូវអាហារដែលសម្បូរទៅដោយសារធាតុចិញ្ចឹមទាំង៤នេះ។

១. ជាតិដែក

ជាទូទៅ ការញ៉ាំអាហារដែលសម្បូរទៅដោយជាតិដែក នឹងបង្កើតការផលិតនៃកោសិកាឈាមក្រហមនៅក្នុងរាងកាយបានយ៉ាងមានប្រសិទ្ធភាព។ អាហារទាំងនេះ រួមមាន៖
• សាច់ក្រហម ដូចជាសាច់គោ សាច់ជ្រូក
• ថ្លើម ក្រលៀន
• បន្លែបៃតង និងផ្លែឈើក្រៀម
• ស៊ុតក្រហម

២. វីតាមីន B-12

អាហារដែលសម្បូរទៅដោយវីតាមីន B-12 មានដូចជា៖
• សាច់ក្រហម ដូចជាសាច់គោ សាច់ជ្រូក
• ត្រី
• ទឹកដោះគោ និងឈឺស
• ស៊ុត

៣. អាស៊ីដហ្វូលិក (Folic Acid)

ការបន្ថែមវីតាមីន B ទៅក្នុងរបបអាហារប្រចាំថ្ងៃ គឺពិតជាផ្ដល់នូវអត្ថប្រយោជន៍យ៉ាងច្រើនដល់សុខភាព។ អាហារដែលសម្បូរទៅដោយវីតាមីន B-9 (អាស៊ីដហ្វូលិក) រួមមាន៖
• សណ្ដែក
• បន្លែបៃតង ដូចជាស្ពៃខ្មៅ
• សណ្ដែកបារាំង
• គ្រាប់ធញ្ញជាតិ

៤. វីតាមីន A

ជាមួយគ្នានេះដែរ វីតាមីនA ក៏រួមចំណែកជួយទ្រទ្រង់ដល់ការផលិតកោសិកាឈាមក្រហមផងដែរ។ អាហារ ដែលសម្បូរទៅដោយវីតាមីន A មានដូចជា៖
• ដំឡូងជ្វា
• ការ៉ុត
• ម្ទេស
• ផ្លែឈើ ដូចជាឪឡឹក និងទំពាំងបាយជូរ។

ថ្នាំបំប៉នជួយបង្កើនកោសិកាឈាមក្រហម
ប្រសិនបើយើងមិនអាចទទួលបានសារជាតិចិញ្ចឹមគ្រប់គ្រាន់តាមរយៈរបបអាហារប្រចាំថ្ងៃទេនោះ យើងអាចពិភាក្សាជាមួយនឹងគ្រូពេទ្យអំពីថ្នាំបំប៉នដែលស័ក្ដិសមសម្រាប់ខ្លួនយើងបាន។ ជាធម្មតា ថ្នាំបំប៉នជាក់លាក់មួយចំនួន អាចបង្កើនការផលិតកោសិកាឈាមក្រហម ឬជួយទ្រទ្រង់ដំណើរការដែលពាក់ព័ន្ធនៅក្នុងរាងកាយរបស់យើងថែមទៀតផង។

ថ្នាំបំប៉ន ដែលគ្រូពេទ្យណែនាំ អាចមាន ជាតិដែក វីតាមីន C វីតាមីន A វីតាមីន B-12 វីតាមីន B-9 វីតាមីន B-6 និងវីតាមីន E ។ល។
ផ្លាស់ប្ដូរបែបបទក្នុងការរស់នៅ
ជាមួយនឹងរបបអាហារត្រឹមត្រូវ និងការញ៉ាំថ្នាំបំប៉នបន្ថែម គឺនៅមិនទាន់គ្រប់គ្រាន់នៅឡើយទេ។ ចូរកាត់បន្ថយការញ៉ាំគ្រឿងស្រវឹង ប្រសិនបើយើងមិនចង់ឱ្យកោសិកាឈាមក្រហមកាន់តែធ្លាក់ចុះទេនោះ។ ការញ៉ាំជាតិគ្រឿងស្រវឹងលើសពីមួយកំប៉ុងក្នុងមួយថ្ងៃសម្រាប់មនុស្សស្រី និងច្រើនជាងពីរកំប៉ុងក្នុងមួយថ្ងៃសម្រាប់មនុស្សប្រុស គឺត្រូវបានចាត់ទុកថាញ៉ាំជាតិអាកុលលើសកម្រិត។
បន្ថែមពីនេះ ការហាត់ប្រាណជាទៀងទាត់ មានអត្ថប្រយោជន៍យ៉ាងខ្លាំងក្នុងការផលិតកោសិកាឈាមក្រហម។ ការហាត់ប្រាណដែលល្អបំផុតរួមមាន រត់ត្រឹកៗ រត់ និងហែលទឹក ជាដើម៕

ប្រភព៖ Hellokrupet

អត្ថបទទាក់ទង

អ្នកខ្វះ​កោសិកា​គ្រាប់ឈាមក្រហម អាហារ​ទាំងនេះ​អាចជួយបាន

អ្នកខ្វះកោសិកាគ្រាប់ឈាមក្រហម អាហារទាំងនេះអាចជួយបាន