ព័ត៌មានថ្មី
- ការដឹកនាំក្រុមដោយជំនឿនាំមកនូវជ័យជម្នះក្នុងការប្រកួតជាក្រុម នៅសប្ដាហ៍ទី៦ MasterChef Cambodia រដូវកាលទី៤
- MasterChef Cambodia រដូវកាលទី៤៖ ឱកាសលើកទីពីររបស់បេក្ខនារី ជា សុវាចា បានរបូតចេញពីដៃក្នុងការប្រកួតវិញ្ញាសាសម្ពាធ
- កម្មវិធី «កម្លាំងគោជល់» លើកស្ទួយអត្តសញ្ញាណជាតិ តាមរយៈការលាយបញ្ចូលរវាងការប្រកួតសម័យទំនើប ជាមួយល្បែងបុរាណខ្មែរ
- សម្ពាធក្នុងផ្ទះបាយ MasterChef Cambodia រដូវកាលទី៤ សប្ដាហ៍ទី៦ កើតឡើងសាជាថ្មី បន្ទាប់ពីការប្រកួតជាក្រុម
- រង្វាន់តែមួយ ជើងឯកតែម្នាក់! សមរភូមិប្រកួតកម្លាំងដំបូងគេបង្អស់នៅកម្ពុជា កម្មវិធី «កម្លាំងគោជល់» ចាប់ផ្ដើមផ្សាយនៅស្ថានីយទូរទស្សន៍ CTN នាចុងសប្ដាហ៍នេះ
តើលោក Yoon Suk-yeol ប្រធានាធិបតីថ្មីរបស់កូរ៉េខាងត្បូង ជានរណា?
- សង្គម
- March 10th, 2022 (3 years)
សេអ៊ូល៖ ពលរដ្ឋកូរ៉េខាងត្បូង នឹងឈានដល់សករាជថ្មី ខណៈលោក Yoon Suk-yeol អាយុ ៦១ឆ្នាំ បានឈ្នះការបោះឆ្នោតដើម្បីក្លាយជាប្រធានាធិបតីថ្មីរបស់កូរ៉េខាងត្បូង។ ជ័យជម្នះរបស់លោក Yoon Suk-yeol លើគូប្រជែងរបស់គាត់ គឺលោក Lee Jae-myung គឺមិនឈ្នះដាច់នោះទេ។ គាត់បានឈ្នះតិចជាងមួយភាគរយប៉ុណ្ណោះ។
លោក Yoon ទើបតែបានចូលប្រឡូកក្នុងឆាកនយោបាយកាលពីឆ្នាំមុន ហើយបានលេចធ្លោក្នុងនាមជារដ្ឋអាជ្ញា នៅក្នុងសំណុំរឿងក្ដីដែលកាត់ទោសយ៉ាងជោគជ័យរបស់អតីតប្រធានាធិបតី Park Geun-hye ពីបទស៊ីសំណូក និងបទចោទប្រកាន់ពុករលួយ។
អ្នកនយោបាយថ្មីថ្មោងនេះ ត្រូវបានគេប្រៀបធៀបទៅនឹងអតីតប្រធានាធិបតីសហរដ្ឋអាមេរិក ដូណាល់ ត្រាំ ហើយងាយនឹងមានភាពច្របូកច្របល់ក្នុងអាណត្តិរបស់គាត់។ លោកបានអត្ថាធិប្បាយថា អតីតប្រធានាធិបតីផ្តាច់ការ Chun Doo-Hwan ដែលទទួលខុសត្រូវចំពោះការសម្លាប់រង្គាលលើបាតុករក្នុងឆ្នាំ១៩៨០ គឺជាអ្នកនយោបាយដ៏ពូកែម្នាក់។
លោកបានសន្យាថា នឹងលុបចោលក្រសួងសមភាពយេនឌ័រ ហើយបានស្តីបន្ទោសការកើនឡើងនៃការគាំទ្រសិទ្ធិស្ត្រី ថា បានបង្កឱ្យមានអត្រាកំណើតទាប នៅក្នុងប្រទេស ដែលមានកំណត់ត្រាដ៏អាក្រក់បំផុតមួយលើសិទ្ធិស្ត្រីនៅក្នុងប្រទេសអភិវឌ្ឍមួយនេះ។
លោកមានចរិតញញើតនឹងនយោបាយការបរទេស ជាងមេដឹកនាំសេរីនិយម ពោលគឺលោក Moon Jae-in ។ គាត់បាននិយាយថា គាត់មានបំណងអភិវឌ្ឍបច្ចេកវិទ្យា ដើម្បីបើកការវាយប្រហារជាមុនលើកូរ៉េខាងជើង ប្រសិនបើទីក្រុងព្យុងយ៉ាង សម្លឹងមើលការវាយលុកទីក្រុងសេអ៊ូល ហើយគាត់គាំទ្រ ការដាក់ទណ្ឌកម្មលើរបបរបស់លោក គីម ជុងអ៊ុន ដែលនឹងនាំឱ្យគាត់កាន់តែស្របតាមគោលនយោបាយរបស់សម្ព័ន្ធមិត្តរបស់កូរ៉េខាងត្បូង គឺសហរដ្ឋអាមេរិក។ គាត់ពង្រឹងជំហរតឹងរ៉ឹងលើប្រទេសចិន ហើយបានស្នើឱ្យកូរ៉េខាងត្បូង គួរតែសហការឱ្យបានពេញលេញជាមួយសម្ព័ន្ធភាពសន្តិសុខ Quad រវាងសហរដ្ឋអាមេរិក អូស្ត្រាលី ឥណ្ឌា និងជប៉ុន ដែលជាក្រុមក្រៅផ្លូវការត្រូវបានបង្កើតឡើងដើម្បីប្រឆាំងនឹងឥទ្ធិពលដែលកំពុងកើនឡើងរបស់ទីក្រុងប៉េកាំងនៅក្នុងតំបន់។
ទស្សនៈរបស់គាត់លើគោលនយោបាយការបរទេស គឺការផ្លាស់ប្តូរពីអ្នកកាន់តំណែងមុនរបស់គាត់ ដែលចូលចិត្តទំនាក់ទំនងជាមួយទីក្រុងព្យុងយ៉ាង និងជៀសវាងការប្រកាន់ជំហរប្រឆាំងចិន ដែលជាដៃគូពាណិជ្ជកម្មដ៏ធំបំផុតរបស់ប្រទេសនេះ៕
ប្រភព៖ BBC
អត្ថបទទាក់ទង
MasterChef Cambodia
RED BULL POWER
