ផ្លឹស-ខេអេក ញូវ

នៅក្មេងមែនពិត តែកុមារី កែវ ទិត្យផល្លី មានដុងសិល្បៈខ្ពស់គួរឱ្យចាប់អារម្មណ៍

កម្សាន្ត
March 15th, 2022 (3 years)
Views: 318
Share

ភ្នំពេញ៖ កុមារី កែវ ទិត្យផល្លី ដែលមហាជនជាច្រើនបានស្គាល់រួចមកហើយថា ក្មេងស្រីតូចរូបនេះជាតារាសម្តែង និងជាតារាចម្រៀងវ័យក្មេងដែលមានដុងសិល្បៈខ្ពស់គួរឱ្យចាប់អារម្មណ៍។ ផល្លី ធ្លាប់ទទួលបានការកោតសរសើរពីមហាជនជាខ្លាំងចំពោះសមត្ថភាពសិល្បៈដែលចាប់ផ្តើមទទួលបានប្រជាប្រិយភាពក្នុងការច្រៀងបទចម្រៀងដ៏ពីរោះជាច្រើនកន្លងមក។

ពេលនេះប្រជាប្រិយភាពរបស់ ផល្លី កាន់តែទទួលបានការចាប់អារម្មណ៍ខ្លាំងឡើងជាមួយទេពកោសល្យសម្តែងក្នុងរឿងភាគបុរាណខ្មែរ “ដើមរលួសមាស” ដែលកំពុងចាក់ផ្សាយនៅលើកញ្ចក់ទូរទស្សន៍ CTN ដែលមានផ្សាយជូនទស្សនារៀងរាល់ថ្ងៃចន្ទ-ព្រហស្បតិ៍ វេលាម៉ោង៨យប់ ដែលនាងត្រូវសម្តែងជាតួអង្គ២ គឺម្នាក់ស្លូត និងម្នាក់ទៀតកាច។ ជាក់ស្តែង ឃើញតូចតែមាឌបែបនេះមែនពិត ប៉ុន្តែ ផល្លី បានទាញចំណាប់អារម្មណ៍ពីទស្សនិកជនបានយ៉ាងច្រើនតាមរយៈការសម្តែងមិនចាញ់រៀមច្បងឡើយ។

ផល្លី ធ្លាប់បានឱ្យដឹងថា ក្នុងការសម្តែងជាតួអង្គ២បែបនេះពិតជាមានផលលំបាក ដោយសារចរិតមានភាពផ្ទុយគ្នាស្រឡះ ជាហេតុធ្វើឱ្យការដាក់អារម្មណ៍ពេលសម្តែងត្រូវប្រែប្រួលឱ្យបានឆាប់រហ័សតាមនោះផងដែរ។ ទោះជាយ៉ាងណា កែវ ទិត្យផល្លី មិនបានធ្វើឱ្យទស្សនិកជនមានការខកបំណងឡើយ ដោយនៅពេលសម្តែងជាតួអង្គនាង ចណ្ណី នាងបានធ្វើឱ្យទស្សនិកជនក្រឺតក្នាញ់ដល់កម្រិត ចំណែកពេលសម្តែងជាតួអង្គ មរណៈមាតា វិញនាងក៏បានធ្វើឱ្យទស្សនិកជនអាណិតខ្លោចចិត្តតាមដូចគ្នា។

ចង់ដឹងថា តារាស្រីវ័យក្មេងរូបនេះ មានទេពកោសល្យសម្តែងខ្ពស់ដល់កម្រិតណា តោះទស្សនារឿង “ដើមរលួសមាស” ទាំងអស់គ្នា៕

(តំណភ្ជាប់ វីដេអូ)

https://youtu.be/OaYPvf39SLw

អត្ថបទទាក់ទង

នៅក្មេងមែនពិត តែកុមារី កែវ ទិត្យផល្លី មាន​ដុងសិល្បៈ​ខ្ពស់​គួរឱ្យ​ចាប់អារម្មណ៍

នៅក្មេងមែនពិត តែកុមារី កែវ ទិត្យផល្លី មានដុងសិល្បៈខ្ពស់គួរឱ្យចាប់អារម្មណ៍