ផ្លឹស-ខេអេក ញូវ

កីឡាករបាល់ទាត់នៅក្រុងបាងកកម្នាក់ ត្រូវបានក្លិបបញ្ចប់កុងត្រា ក្រោយវាយកែងទៅលើគូប្រកួត ដេរ២៤ថ្នេរ

កីឡា
March 15th, 2022 (3 years)
Views: 216
Share

បាងកក៖ កីឡាករក្លិបបាល់ទាត់មួយនៅទីក្រុងបាងកកម្នាក់ ត្រូវបានបណ្ដេញចេញពីការងារ បន្ទាប់ពីវាយកែងកណ្ដាលមុខគូប្រកួត ឱ្យដេរ ២៤ថ្នេរ អំឡុងពេលការប្រកួត Thai League 3 កាលពីរសៀលថ្ងៃអាទិត្យ។ អាជ្ញាកណ្តាលបានបណ្តេញ កីឡាករ Aitesaret Noichaiboon ចេញភ្លាមៗ។

ក្រុម Bangkok FC បានចាញ់ ៣-០ ទល់នឹងក្រុម North Bangkok University FC នៅពេលដែល កីឡាករ Supasan Ruangsuphanimit ទាក់ជើងរបស់ Aitesaret នៅនាទីទី៤ នៃម៉ោងបន្ថែម។ Aitesaret បានរត់សំដៅទៅរកគូប្រកួតរបស់គាត់ ហើយបានវាយកែងពេញទំហឹង។ Supasan បានដួលហើយត្រូវបានបញ្ជូនទៅមន្ទីរពេទ្យ និងត្រូវបានគ្រូពេទ្យដេរ ២៤ថ្នេរនៅលើបបូរមាត់ខាងលើ។

Bangkok FC បានចេញសេចក្តីថ្លែងការណ៍មួយ នៅលើទំព័រហ្វេសប៊ុករបស់ពួកគេថា៖ “Bangkok FC សូមបញ្ជាក់ថា យើងមិនគាំទ្រចំពោះអំពើអសីលធម៌ ក្នុងវិស័យកីឡាណាមួយរួមទាំងអំពើហិង្សានៅលើទីលានបាល់ទាត់ផងដែរ។ យើងបានបញ្ចប់កិច្ចសន្យារបស់ Aitesaret Noichaiboon ភ្លាមៗ ដោយសារតែការប្រព្រឹត្តខុសឆ្គងរបស់គាត់ចំពោះកីឡាករដូចគ្នា ។ យើងសូមចូលរួមរំលែកទុក្ខដល់កីឡាករដែលរងរបួសចំពោះឧបទ្ទវហេតុនេះ ហើយយើងនឹងចាត់វិធានការគ្រប់យ៉ាង ដើម្បីការពារកុំឱ្យមានរឿងនេះកើតឡើងម្ដងទៀត៕”

(ទស្សនាវីដេអូ)

អត្ថបទទាក់ទង

កីឡាករបាល់ទាត់​នៅ​ក្រុងបាងកកម្នាក់ ត្រូវបាន​ក្លិប​បញ្ចប់កុងត្រា ក្រោយ​វាយកែង​ទៅលើ​គូប្រកួត ដេរ២៤ថ្នេរ

កីឡាករបាល់ទាត់នៅក្រុងបាងកកម្នាក់ ត្រូវបានក្លិបបញ្ចប់កុងត្រា ក្រោយវាយកែងទៅលើគូប្រកួត ដេរ២៤ថ្នេរ