ផ្លឹស-ខេអេក ញូវ

ប្រទេសមីយ៉ាន់ម៉ា ជំរុញការផលិតរថយន្តហាយព្រីតក្នុងស្រុក

សង្គម
March 17th, 2022 (3 years)
Views: 131
Share

មីយ៉ាន់ម៉ា៖ ដើម្បីកាត់បន្ថយការបំភាយកាបូន និងការពារបរិស្ថាន ប្រទេសមីយ៉ាន់ម៉ាបានចាប់ផ្តើមផលិត និងលក់រថយន្តថាមពលថ្មី រួមទាំងរថយន្តអគ្គិសនីកូនកាត់ (ហាយព្រីត) ផងដែរ។ នេះបើយោងតាមទីភ្នាក់ងារសារព័ត៌មានស៊ីនហួរ។

ក្នុងនាមជាក្រុមហ៊ុនផលិតរថយន្តអគ្គិសនីដំបូងបំផុតមួយនៅក្នុងប្រទេសមីយ៉ាន់ម៉ា ក្រុមហ៊ុន Khaingkhaing Sangda បានចាប់ផ្តើមលក់រថយន្តអគ្គិសនីកូនកាត់ម៉ូដែលទីពីររបស់ខ្លួន KSDV1-NE2 កាលពីថ្ងៃទី១ ខែមីនា ហើយលក់បានជាង ១០គ្រឿងក្នុងរយៈពេលមួយសប្តាហ៍។

លោក Yu Jianchen នាយកគ្រប់គ្រងនៃក្រុមហ៊ុន Khaingkhaing Sangda Motorcar ត្រូវបានដកស្រង់សម្តី ថា ការផលិតរថយន្តនេះ គឺដើម្បីគាំទ្រដល់សំណើរបស់ប្រទេសមីយ៉ាន់ម៉ា សម្រាប់ការការពារបរិស្ថានដោយកាត់បន្ថយការបំភាយឧស្ម័នផ្ទះកញ្ចក់។ លោកជឿជាក់ថា ឧស្សាហកម្មរថយន្តថាមពលថ្មីរបស់មីយ៉ាន់ម៉ា មានសក្តានុពលសម្រាប់កំណើននាពេលអនាគត។

ក្រុមហ៊ុននេះ បានផលិតរថយន្តប្រើសាំងសុទ្ធដំបូងរបស់ខ្លួនក្នុងឆ្នាំ២០០៦ ហើយបានចាប់ផ្តើមដំឡើង និងផលិតរថយន្តថាមពលថ្មីនៅឆ្នាំ២០១៩៕

អត្ថបទទាក់ទង

ប្រ​ទេស​មីយ៉ាន់ម៉ា ជំរុញ​ការផលិត​រថយន្ត​ហាយព្រីត​ក្នុងស្រុក

ប្រទេសមីយ៉ាន់ម៉ា ជំរុញការផលិតរថយន្តហាយព្រីតក្នុងស្រុក