ផ្លឹស-ខេអេក ញូវ

Jisoo ពញាក់អារម្មណ៍ Kimberley ដោយនាងបានផ្ញើរូបក្នុងកម្មវិធី Paris Fashion Week ចូលក្នុងប្រអប់សារ IG របស់ Kim ថ្មីៗនេះ

កម្សាន្ត
March 18th, 2022 (3 years)
Views: 227
Share

កម្សាន្ត៖ កាលពីដើមខែមីនាកន្លងទៅ កម្មវិធី Paris Fashion Week ដែលប្រជុំទៅដោយតារាល្បីៗជាច្រើនចូលរួមហើយក្នុងនោះ មហាជនចាប់អារម្មណ៍លើវត្តមានរបស់ Jisoo សមាជិកក្រុម Blackpink របស់កូរ៉េ និង Kimmy Kimberley តារាសម្តែងដ៏ល្បីរបស់ថៃបានជួបគ្នានៅទីនោះ និងបានសំណេះសំណាលថតរូបជាមួយគ្នាយ៉ាងរីករាយ។

បន្ទាប់ពីរូបភាពរបស់ Jisoo និង Kumberley បានថតរូបជាមួយគ្នាត្រូវបានចែកចាយលើបណ្តាញសង្គមមក ធ្វើឱ្យអ្នកគាំទ្រជាច្រើនរំភើបដែលតារាក្នុងដួងចិត្តពួកគេទាំង២បានជួបគ្នាបែបនេះ។ ជាក់ស្តែង ក្នុងកម្មវិធីមួយដែលបានប្រព្រឹត្តិឡើងនៅថ្ងៃទៅ១៧ ខែមីនា ម្សិលមិញនេះ Kim ត្រូវបានសម្ភាសន៍ទាក់ទងនឹងអារម្មណ៍ដែលបានជួបតារាល្បីលំដាប់អន្តរជាតិដោយ Kim បានប្រាប់ឱ្យដឹងថា៖

“Jisoo ពិតជាផ្អែមល្ហែម នាងបានផ្ញើរូបដែលបានថតក្នុងកម្មវិធីថ្ងៃមុនតាមប្រអប់សារ IG ឱ្យខ្ញុំកាលពី២ថ្ងៃមុន ព្រោះនាងមានរូបដែលថតដោយកាមេរ៉ា ប៉ុន្តែខ្ញុំមិនដឹងថាធ្វើយ៉ាងណាទើបអាចទទួលបានរូបទាំងនោះឡើយ តែទីបំផុត Jisoo ពិតជាធ្វើឱ្យខ្ញុំភ្ញាក់ផ្អើល”។

គួរបញ្ជាក់ដែរថា តារាស្រី២រូបនេះបានធ្វើឱ្យអ្នកនិយមលេងបណ្តាញសង្គមមានការចាប់អារម្មណ៍ជាខ្លាំងចំពោះរូបភាពរួមរបស់អ្នកទាំង២ ដែលត្រូវបានចែកចាយតៗគ្នាជាច្រើននៅលើបណ្តាញសង្គមកម្សាន្តជាច្រើនផងដែរ៕

អត្ថបទទាក់ទង