ផ្លឹស-ខេអេក ញូវ

តម្លៃប្រេងឥន្ធនៈ បានធ្លាក់ចុះវិញបន្តិច នៅប្រទេសវៀតណាម

សង្គម
March 23rd, 2022 (5 years)
Views: 246
Share

វៀតណាម៖ តម្លៃប្រេងសាំងនៅប្រទេសវៀតណាម បានធ្លាក់ចុះ ២,៣ភាគរយកាលពីថ្ងៃចន្ទ ដែលជាការធ្លាក់ចុះ លើកទីមួយ តាំងពីថ្ងៃទី១០ ខែធ្នូ ឆ្នាំ២០២១។

តម្លៃសាំងដ៏ពេញនិយម RON 95 ធ្លាក់ចុះ ៦៣០ដុងមកនៅត្រឹម ២៩.១៩០ដុងក្នុងមួយលីត្រ ខណៈប្រេងឥន្ធនៈ E5 RON 92 ធ្លាក់ចុះ ៦៥០ដុងមក ២៨.៣៣០ដុង (១ ដុល្លារអាមេរិក = ២២.៨៧៥ ដុង)។ តម្លៃប្រេងឥន្ធនៈផ្សេងទៀត រួមទាំងប្រេងកាត និងម៉ាស៊ូត ក៏បានធ្លាក់ចុះពី ២,៧-៧,៥ ភាគរយផងដែរ។

តម្លៃប្រេងឆៅនៅលើទីផ្សារពិភពលោក បានកើនឡើងពីកម្រិតទាបកាលពីសប្តាហ៍មុន ៩៥ ដុល្លារក្នុងមួយបារ៉ែលដល់ជិត ១១០ ដុល្លារក្នុងមួយបារ៉ែលកាលពីថ្ងៃចន្ទ។

អាជ្ញាធរវៀតណាម បានធ្វើការកែសម្រួលតម្លៃសាំងនៅថ្ងៃទី១ ទី ១១ និងថ្ងៃទី២១ នៃខែនីមួយៗ ដើម្បីឱ្យទាន់ការឡើងចុះនៃតម្លៃប្រេងឥន្ធនៈនៅលើសាកលលោក៕

អត្ថបទទាក់ទង

តម្លៃប្រេងឥន្ធនៈ បានធ្លាក់ចុះ​វិញបន្តិច នៅ​ប្រទេសវៀតណាម

តម្លៃប្រេងឥន្ធនៈ បានធ្លាក់ចុះវិញបន្តិច នៅប្រទេសវៀតណាម