ផ្លឹស-ខេអេក ញូវ

ចោរបានលួចមេដាយមាសដែលឈ្នះកាលពី World Cup របស់តារាបាល់ទាត់របស់ក្រុម Man Utd

កីឡា
March 23rd, 2022 (3 years)
Views: 310
Share

ខ្សែបម្រើ Paul Pogba របស់ក្រុម Manchester United បានបង្ហើបថា ក្រុមចោរបានលួចយកមេដាយម្ចាស់ជើងឯក World Cup របស់គេ នៅពេលដែលក្រុមចោរ បានលួចចូលផ្ទះរបស់គេ កាលពីសប្ដាហ៍មុន។

កីឡាករអន្តរជាតិបារាំងវ័យ ២៩ឆ្នាំបាននិយាយថា ផ្ទះរបស់ខ្លួន ត្រូវបានចោរចូល អំឡុងពេល Man Utd ប្រកួតជាមួយ Atletico Madrid ក្នុងពានរង្វាន់ Champions League ។ កូនតូចពីរនាក់របស់ Pogba និងមេដោះរបស់ពួកគេ បាននៅក្នុងផ្ទះនៅពេលនោះ។ ជាសំណាងល្អ ពួកគេមិនមានគ្រោះថ្នាក់អ្វីឡើយ។

ក្រុមជម្រើសជាតិបារាំង បានឈ្នះ World Cup 2018 ដោយបានយកឈ្នះក្រូអាត ក្នុងលទ្ធផល ៤-២ នៅវគ្គផ្តាច់ព្រ័ត្រ ក្នុងទីក្រុងមូស្គូ ដោយ Pogba ស៊ុតបញ្ចូលទីគ្រាប់ទី៣ របស់បារាំង។

Pogba បានចូលរួមជាមួយ Man Utd នៅក្នុងការផ្ទេរកំណត់ត្រាពិភពលោក ៨៩លានផោនពី Juventus ក្នុងឆ្នាំ២០១៦។ កិច្ចសន្យារបស់គេ នឹងផុតសុពលភាពនៅចុងបញ្ចប់នៃរដូវកាលនេះ។

បច្ចុប្បន្ន Pogba កំពុងចូលរួមជាមួយ ក្រុមជម្រើសជាតិបារាំង ត្រៀមប្រកួតមិត្តភាពជាមួយក្រុមជម្រើសជាតិ កូតឌីវ័រ និងក្រុមអាហ្វ្រិកខាងត្បូង។

Manchester United’s Paul Pogba during the Premier League match at Old Trafford, Manchester. Picture date: Saturday March 12, 2022.

កុំភ្លេចរង់ចាំទស្សនា កម្មវិធី CBS Fantasy League ដែលចាក់ផ្សាយរៀងរាល់ថ្ងៃសុក្រ វេលាម៉ោង ២១:០០ – ២២:០០ នៅលើកញ្ចក់ទូរទស្សន៍ CTN ហ្វេសប៊ុកផេកផ្លូវការ CTN TV និង ហ្វេសប៊ុកផេក CBS Sport ។ បន្ទាប់មក នៅរៀងរាល់ចុងសប្ដាហ៍ ទស្សនិកជន ក៏អាចទស្សនាការប្រកួតក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង

ចោរបានលួច​មេដាយមាស​ដែល​ឈ្នះកាលពី World Cup របស់​តារាបាល់ទាត់​របស់​ក្រុម Man Utd

ចោរបានលួចមេដាយមាសដែលឈ្នះកាលពី World Cup របស់តារាបាល់ទាត់របស់ក្រុម Man Utd