ផ្លឹស-ខេអេក ញូវ

ឃើញលោក វង្ស ដារ៉ារតនា មុខកាចៗបែបនេះទេ តែអ្នកស្គាល់លោកគ្រប់គ្នាសុទ្ធតែអះអាងថា លោកជាមនុស្សចិត្តបានបំផុត

កម្សាន្ត
March 23rd, 2022 (2 years)
Views: 325
Share

Review៖ ម្ចាស់បទ ស៊ូឃ្លាត លោក វង្ស ដារ៉ារតនា ដែលអ្នកគាំទ្រភាគច្រើនបានស្គាល់លោករួចមកហើយពីប្រជាប្រិយភាពតារាប្រុសរូបនេះតាមរយៈបទចម្រៀងល្បីៗជាច្រើន ក៏ដូចជាការចំណាំលើរូបរាងដែលមនុស្សមិនតិចនាក់ទេនាំគ្នាយល់ថា លោកជាមនុស្សកាច និងដូចបងធំដោយសារចំណូលចិត្តតុបតែងខ្លួនរបស់លោកខុសប្លែកពីតារាដទៃ។

ប៉ុន្តែជាក់ស្តែង លោកវង្ស ដារ៉ារតនា ត្រូវបានមិត្តទាំងក្នុងសិល្បៈ និងក្រៅសិល្បៈនាំគ្នាអះអាងថា ឃើញរបៀបតុបតែងខ្លួន ក៏ដូចជាទឹកមុខដូចមនុស្សកាចបែបនេះពិតមែន តែធាតុពិតលោកគឺជាមនុស្សលេងសើចច្រើន ចិត្តបាន និងយល់ទុក្ខធុរៈមនុស្សជុំវិញខ្លួនជាខ្លាំង។

សរុបសេចក្តីមក មើលត្រឹមសម្បកក្រៅគឺមានភាពផ្ទុយស្រលះពីអត្តចរិតទាំងស្រុងរបស់តារាចម្រៀងលោក វង្ស ដារ៉ារតនា តែម្តង។ ទោះជាយ៉ាងណា បើនិយាយពីជីវិតមុនពេលប្រលូកក្នុងសិល្បៈ លោកគ្រាន់តែដើរតាមមិត្តភក្តិដែលជាក្រុមតន្ត្រីករ និងអ្នកចម្រៀងតាមកម្មវិធីនានាម្នាក់ប៉ុណ្ណោះ។

ប៉ុន្តែដោយសារការជំរុញពីមិត្តភក្តិដ្បិតឃើញសមត្ថភាពរបស់លោកច្រៀងពិរោះ ទើបពួកគេលើកទឹកចិត្តឱ្យលោកចូលប្រកួតក្នុងកម្មវិធីល្បីមួយ បើទោះជាមិនបានជាប់ក្នុងកម្មវិធីក៏ដោយ តែលោកក៏ទទួលបានឱកាសក្លាយជាអ្នកចម្រៀងដែលធ្វើឱ្យជីវភាពរបស់លោកចាប់ផ្តើមប្រសើរឡើងច្រើនបើប្រៀបជាមួយអតីតកាល។

ចង់ដឹងថា តារាចម្រៀងដែលនិយមចាក់សាក់ ចោះក្រវិល និងទុកពុកមាត់ស្រមូមរូបនេះយ៉ាងណាខ្លះ តោះទៅទស្សនាការសម្ភាសន៍ក្នុងកម្មវិធី “ពីនេះពីនោះជាមួយសុខគា” របស់ MyTV ទាំងអស់គ្នា៕

(តំណភ្ជាប់ វីដេអូ)

https://www.facebook.com/mytvcambodia/videos/650604976222827/

អត្ថបទទាក់ទង