ផ្លឹស-ខេអេក ញូវ

រំភើបជំនួស! រថយន្ត ម៉ូតូ និងថ្មើរជើង សម្រុកចេញពីសិង្ហបុរី ពេលម៉ាឡេស៊ីបើកព្រំដែនដើម្បីជួបជុំសាច់ញាតិ

សង្គម
April 2nd, 2022 (3 years)
Views: 245
Share

សិង្ហបុរី៖ ទីបំផុតព្រំដែនគោករវាងសិង្ហបុរី និងម៉ាឡេស៊ី បានបើកឡើងវិញ។ បន្ទាប់ពីរយៈពេលពីរឆ្នាំ មិនអាចជួបជុំជាមួយក្រុមគ្រួសារនៅក្នុងប្រទេសម៉ាឡេស៊ី មនុស្សរាប់ពាន់នាក់ បានសម្រុកចាកចេញពីសិង្ហបុរី តាមរថយន្ត ម៉ូតូ និងថ្មើរជើង ឆ្លងកាត់ព្រំដែនដែលបានបើកឡើងវិញនៅឯប៉ុស្តិ៍ត្រួតពិនិត្យ Woodlands និង Tuas នៅពាក់កណ្តាលអធ្រាត្រ ឈានចូលថ្ងៃទី១ ខែមេសា។

រថយន្ត និងម៉ូតូ តាមតម្រៀបជួបគ្នាឥតដាច់ ខណៈអ្នកដំណើរ បានស្រែកហ៊ោយ៉ាងរីករាយ។ ថ្មើរជើង ក៏មានការរំភើបចិត្តផងដែរ ដោយអ្នកខ្លះ បានរត់ចូលប៉ុស្តិ៍ត្រួតពិនិត្យអន្តោប្រវេសន៍ ដើម្បីចៀសវាងការតម្រង់ជួរយូរ។ កាម៉េរាចរាចរណ៍បានបង្ហាញពីការកកស្ទះដ៏ធំ នៅផ្លូវ Woodlands នៅម៉ោងប្រហែល ១២:១១ រំលងអាធ្រាត្រ។

ព្រំដែន ត្រូវបានបិទអស់រយៈពេលជាងពីរឆ្នាំមកហើយ គឺចាប់តាំងពីខែមីនា ឆ្នាំ២០២០។ អ្នកធ្វើដំណើរដែលបានចាក់វ៉ាក់សាំងបង្ការកូវីដ១៩ពេញលេញ និងអមដំណើរកុមារអាយុក្រោម ១២ ឆ្នាំដែលមិនបានចាក់វ៉ាក់សាំង អាចធ្វើដំណើរដោយសេរីរវាងប្រទេសទាំងពីរ ដោយមិនចាំបាច់ធ្វើតេស្ត ឬធ្វើចត្តាឡីស័កឡើយ៕

អត្ថបទទាក់ទង