ផ្លឹស-ខេអេក ញូវ

យន្តហោះដឹកទំនិញ ដាច់ជាពីរកំណាត់ ពេលចុះចតបន្ទាន់នៅកូស្តារីកា

សង្គម
April 8th, 2022 (3 years)
Views: 265
Share

កូស្ដារីកា៖ យន្តហោះដឹកទំនិញមួយគ្រឿង បានរអិលធ្លាក់ពីលើផ្លូវរត់ ហើយបានដាច់ពាក់កណ្តាលជាពីរកំណាត់ អំឡុងពេលចុះចតជាបន្ទាន់ នៅប្រទេសកូស្តារីកា ដោយបង្កឱ្យជើងហោះហើរជាច្រើនត្រូវកកស្ទះ នៅអាកាសយានដ្ឋានជាបណ្តោះអាសន្ន ប៉ុន្តែមិនបណ្តាលឱ្យអ្នកបម្រើការលើយន្តហោះណាម្នាក់ រងរបួសនោះទេ។

មន្ត្រីនាយកដ្ឋានពន្លត់អគ្គីភ័យ បាននិយាយថា យន្តហោះ Boeing 757-200 ដែលដំណើរការដោយក្រុមហ៊ុនដឹកជញ្ជូនទំនិញ DHL បានហោះចេញពីអាកាសយានដ្ឋានអន្តរជាតិ Juan Santamaría ស្ថិតនៅភាគខាងលិចនៃរដ្ឋធានី San Jose កាលពីព្រឹកថ្ងៃព្រហស្បតិ៍ ប៉ុន្តែបានត្រឡប់មកវិញ បន្ទាប់ពីអាកាសយានិក បានរកឃើញបញ្ហាបច្ចេកទេស ក្នុងប្រព័ន្ធទឹករបស់វា។

ប្រធាននាយកដ្ឋានពន្លត់អគ្គីភ័យ លោក Héctor Chaves បាននិយាយថា នៅពេលដែលយន្តហោះព្យាយាមចុះចត វាបានរអិល និងដាច់ជាពីរ។ អ្នកនាំពាក្យរបស់ DHL បាននិយាយថា អ្នកបើកយន្តហោះទាំងពីរនាក់មិនមានរបួសទេ។

ប្រតិបត្តិករអាកាសយានដ្ឋាន Aeris បាននិយាយថា ឧបទ្ទវហេតុនេះបានបង្កឱ្យអាកាសយានដ្ឋានផ្អាកដំណើរការអស់រយៈពេលជាច្រើនម៉ោង ដោយមានអ្នកដំណើរប្រហែល ៨.៥០០នាក់ និងជើងហោះហើរពាណិជ្ជកម្ម និងទំនិញចំនួន ៥៧ បានរងផលប៉ះពាល់៕

អត្ថបទទាក់ទង

យន្តហោះ​ដឹកទំនិញ ដាច់ជា​ពីរកំណាត់ ពេលចុះចត​បន្ទាន់​នៅ​កូស្តារីកា

យន្តហោះដឹកទំនិញ ដាច់ជាពីរកំណាត់ ពេលចុះចតបន្ទាន់នៅកូស្តារីកា