ផ្លឹស-ខេអេក ញូវ

គួរធ្វើរឿង៤យ៉ាងនេះ ក្នុងពិធីបុណ្យចូលឆ្នាំថ្មីប្រពៃណីជាតិខ្មែរ

សង្គម
April 13th, 2022 (3 years)
Views: 233
Share

ពិធីបុណ្យចូលឆ្នាំថ្មីប្រពៃណីជាតិ នឹងឈានចូលមកដល់នៅថ្ងៃព្រហស្បតិ៍ ទី១៣កើត ខែចេត្រ ត្រូវនឹងថ្ងៃទី១៤ ខែមេសា គ.ស. ២០២២ វេលាម៉ោង១០:០០នាទីព្រឹក។ ខាងក្រោមនេះ ជារឿង ៤យ៉ាង ដែលអ្នកគួរធ្វើក្នុងពិធីបុណ្យចូលឆ្នាំថ្មីប្រពៃណីជាតិខ្មែរ

១- ជួបជុំគ្រួសារ និងបងប្អូន

នេះគឺជារឿងមួយដ៏ចំបាច់ដែលអ្នកទាំងអស់គ្នាគួរតែធ្វើនៅក្នុងឱកាសនេះ។ ជាការពិតណាស់ មនុស្សម្នាក់ៗមានការរវល់រៀងៗខ្លួន ជាពិសេសទៅលើការសិក្សា និងការងារ។ ប៉ុន្តែយើងគួរតែឆ្លៀតពេលធ្វើរឿងមួយនេះ ព្រោះថាឪពុកម្តាយរបស់យើង ប្រាកដជានឹកយើងខ្លាំងណាស់ ពួកគាត់ចង់ជួបមុខកូនចៅ ចង់ជួបជុំគ្នាជាមួយក្រុមគ្រួសារទាំងអស់ដើម្បីអបអរឆ្លងឆ្នាំជាមួយគ្នា។

២- ធ្វើដំណើរកម្សាន្តទៅកន្លែងណាមួយ

ថ្ងៃចូលឆ្នាំអ៊ីចឹង មនុស្សធ្វើដំណើរច្រើនបន្តិចមែន ប៉ុន្តែវាជាពេលវេលាល្អដែលយើងមានពេលទំនេរគ្រប់គ្រាន់ ដើម្បីដើរលេងជួបជុំគ្រួសារ និងមិត្តភក្តិ។ ជ្រើសរើសកន្លែងណាមួយដែលមនុស្សអាចនឹងមិនសូវទៅ នោះយើងនឹងអាចចំណាយពេលវេលាបានខ្លះ សម្រាកលំហែ និងទទួលបានភាពស្ងប់ស្ងាត់។

៣- ធ្វើអ្វីម្យ៉ាងជូនឪពុកម្ដាយ

អាចចាត់ទុកថាប៉ុន្មានថ្ងៃនេះវាជាថ្ងៃសប្បាយ ប៉ុន្តែទន្ទឹមនឹងនោះ ក៏យើងគួរណាស់តែធ្វើឱ្យឪពុកម្ដាយសប្បាយចិត្តផងដែរ។ ទិញជាកាដូបន្តិចបន្តួចជូនគាត់ នាំគាត់ដើរលេង ឬក៏អាច Drama ជាមួយគាត់តិចតួចក៏បានដែរ “កូនស្រលាញ់ម៉ាក់ប៉ា អ៊ីចឹងទៅ”។ ពិតណាស់ ឪពុកម្ដាយគាត់ចង់បានអ្វីទាំងនេះ តែពេលខ្លះគាត់មិនដែលនិយាយចេញឡើយ ផ្ទុយទៅវិញ វាជាតួនាទីរបស់យើងទេដែលត្រូវធ្វើរឿងទាំងនេះ។

៤. លេងល្បែងប្រជាប្រិយ

ប្រពៃណីខ្មែរយើង គឺមិនដែលចោលទេ ប៉ុន្តែអ្នកមួយចំនួនមិនដែលសូម្បីតែលេង។ សាកល្បងបបួលមិត្តភក្តិ ឬចូលរួមជាមួយអ្នកដទៃមើលឆ្នាំនេះ ធានាថាសប្បាយ ហើយបានបង្កើតជាមិត្តភាពទៀត៕

ប្រភព៖ នាយកដ្ឋានជំរុញទេសចរណ៍ក្នុងស្រុក និងអប់រំការយល់ដឹងជាសាធារណៈ

អត្ថបទទាក់ទង