ផ្លឹស-ខេអេក ញូវ

ហោះហើរផ្លូវឆ្ងាយអស់រយៈពេលជាច្រើនម៉ោង គ្រាន់តែទៅដល់ព្រលានយន្តហោះ LA ភ្លាម Hyun Bin និងភរិយាត្រូវអ្នកគាំទ្រចោមរោមជិត

កម្សាន្ត
April 13th, 2022 (4 years)
Views: 271
Share

អាមេរិក៖ បន្ទាប់ពីរៀបអាពាហ៍ពិពាហ៍រួច Hyun Bin និង Son Ye Jin បានកក់សំបុត្រយន្តហោះទៅសហរដ្ឋអាមេរិកដោយអ្នកទាំង២បានហោះហើរទៅដល់ព្រលានយន្តហោះ LA កាលពីថ្ងៃទី១២ ខែមេសា ឆ្នាំ២០២២។

បន្ទាប់ពីហោះហើរផ្លូវឆ្ងាយអស់រយៈពេលជាយូរម៉ោង អ្នកទាំង២បានទៅដល់ព្រលានយន្តហោះដោយមានអ្នកគាំទ្រជាច្រើនសន្ធឹកចោមរោមអ្នកទាំង២ស្ទើររើខ្លួនមិនចង់រួច។

ពួកគេបានសម្រុកទៅថតរូបដោយមិនបានសុំការអនុញ្ញាត និងបានឈរកៀកៗទាំងមិនពាក់ម៉ាសទៀតផង។ មិនត្រឹមតែប៉ុណ្ណោះ អ្នកខ្លះបានចូលទៅជិតដើម្បីចង់សន្ទនាជាមួយដែលអ្នកទាំង២ កំពុងរវល់ទាក់ទងទៅកាន់អ្នកបើកបរឱ្យមកទទួល។

ដោយសារតែហត់នឿយនឹងការធ្វើដំណើរផ្លូវឆ្ងាយ ថែមទាំងមានឥវ៉ាន់ជាច្រើននៅជិតខ្លួន និងត្រូវទាក់ទងទៅកាន់អ្នកមកទទួលផងនោះ គូស្វាមីភរិយាថ្មោងថ្មីទាំង២ត្រូវបានមហាជនមួយចំនួនតូចរិះគន់ថា មានអាកប្បកិរិយាមិនសមរម្យដាក់អ្នកគាំទ្រទៀតផង៕

អត្ថបទទាក់ទង