ព័ត៌មានថ្មី
- «សមរភូមិសំណើច» សប្ដាហ៍ទី២៤៖ ម្ហូបក៏គ្មាន លុយក៏គ្មាន ក្រុមផ្ការីកគ្រប់រដូវវីវរមែនទែនហើយ!
- កម្លាំងគោជល់ Red Bull Power៖ វិធីសាស្ត្រហ្វឹកហាត់ផ្លូវចិត្ត ក្នុងការប្រកួតដែលមានសម្ពាធ
- សាររបស់ Chef លីនដា ធ្វើឱ្យ Fan Fan ចង់ឃើញការវិលត្រឡប់មកវិញក្នុងផ្ទះបាយ MasterChef Cambodia
- ម្ចាស់ពាន MasterChef រដូវកាលទី៣ ចូលរួមលើកកម្ពស់សុខភាពរបស់កុមារក្នុងពិធីប្រកាសដាក់ឱ្យប្រើប្រាស់ជាផ្លូវការនូវសមិទ្ធផល និងហេដ្ឋារចនាសម្ព័ន្ធវិស័យអប់រំ ក្នុងស្រុកព្រះនេត្រព្រះ
- ជិត១ឆ្នាំដែល MasterChef Cambodia រដូវកាលទី៣ បានចាក់ផ្សាយ
កុំឱ្យបុិនមើលងាយអ្នកគីឡូធ្ងន់ពេក ទីបំផុតហុងកុងបង្កើតកម្មវិធីដើម្បីពួកគេឡើងបង្ហាញសមត្ថភាព
- កម្សាន្ត
- April 15th, 2022 (3 years)
ហុងកុង៖ រូបរាងគឺជាចំនុចមួយដែលមនុស្សទូទាំងពិភពលោកតែងវាយតម្លៃ ដោយអ្នកដែលមានរូបរាងស្លីមតែងទទួលបានការកោតសរសើរជានិច្ច រីឯងអ្នកដែលមានរូបរាងធាត់វិញ មិនសូវទទួលបានការឱ្យតម្លៃឡើយ។ ផ្ទុយទៅវិញ ពួកគេច្រើនទទួលបាននូវពាក្យសំដីសើចចំអកទៅលើរូបរាងធាត់ និងខ្សែភ្នែកដែលពោរពេញដោយការមើលងាយជាដើម។
ទោះជាយ៉ាងណា មកដល់យុគសម័យថ្មីនេះ មនុស្សជាច្រើនមានការយល់ដឹងលើចំនុចមួយនេះបានគួរសម ដោយអ្នកដែលមានរូបរាងធាត់ជាច្រើនចាប់ផ្តើមក្រោកឈរឡើងដើម្បីបង្ហាញភាពជឿជាក់របស់ខ្លួន ក៏ដូចជាសមត្ថភាពដែលពួកគេមានបើទោះជាមានរូបរាងមិនស្រលូនស្អាតដូចអ្វីដែលគ្រប់គ្នាតែងឱ្យតម្លៃក៏ដោយ។
ជាក់ស្តែង កម្មវិធី Extra Beauty ដែលបានចាក់ផ្សាយនៅទូរទស្សន៍ហុងកុង ViuTv ដែលមានអ្នកចូលរួមប្រកួតសុទ្ធសឹងតែជាស្ត្រីដែលមានគីឡូធ្ងន់បានឡើងទៅបង្ហាញសមត្ថភាពរបស់ពួកគេមានដូចជាលេងតន្ត្រី ច្រៀង រាំ ការបង្ហាញដងខ្លួនដោយស្លៀកឈុតហែលទឹក និងការដើរបង្ហាញម៉ូតជាដើម។
សកម្មភាពទាំងនេះ គឺដើម្បីបង្ហាញឱ្យពិភពលោកបានដឹងថា អ្នកមានគីឡូធ្ងន់ក៏មានចំនុចល្អរបស់ពួកគេដែរ ដូចនេះមិនគួរដាក់សម្ពាធដោយវាយតម្លៃត្រឹមរូបរាងបែបនេះឡើយ។ គួរបញ្ជាក់ដែរថា អ្នកដែលបានដាក់ពាក្យចូលប្រកួតមានចំនួន ២៩នាក់ ដែលនឹងត្រូវស្វែងរកម្ចាស់ជ័យលាភីដោយផ្អែកលើសមត្ថភាពរបស់ពួកគេរៀងខ្លួន៕
អត្ថបទទាក់ទង
MasterChef Cambodia
RED BULL POWER
