ផ្លឹស-ខេអេក ញូវ

អ្នកគាំទ្រ Liverpool ច្រៀង “YNWA” ជូនគ្រួសាររបស់ Ronaldo ដែលបាត់បង់កូនប្រុសម្នាក់

កីឡា
April 20th, 2022 (5 years)
Views: 572
Share

អ្នកគាំទ្រក្រុម Manchester United និង Liverpool បានរួបរួមគ្នាដើម្បីរំលែកទុក្ខដ៏ក្រៀមក្រំ ជូនគ្រួសាររបស់ Cristiano Ronaldo នៅឯកីឡដ្ឋាន Anfield បន្ទាប់ពីមរណភាពរបស់កូនប្រុសរបស់គាត់។

អ្នកគាំទ្រ Liverpool បានច្រៀងចម្រៀងក្លិបរបស់ពួកគេ ‘You’ll Never Walk Alone’ នៅនាទីទី៧ ក្នុងការប្រកួត ដែលជាលេខអាវរបស់ Ronaldo ពាក់នៅ Manchester United ។

កីឡាករអន្តរជាតិព័រទុយហ្គាល់ បានខកខានការប្រកួតកាលពីយប់មិញ។ កាលពីម្សិលមិញ Ronaldo និងមិត្តស្រីរបស់គាត់ ពោលគឺ Georgina Rodriguez បានប្រកាសពីការស្លាប់របស់កូនប្រុសរបស់ពួកគេ ដោយនិយាយថាវាជា៖ “ការឈឺចាប់បំផុតរបស់ឪពុកម្តាយគ្រប់រូប”។

កូនស្រីរបស់ពួកគេ នៅរស់រានមានជីវិត បន្ទាប់ពីមិត្តស្រីរបស់ Ronaldo បានសម្រាលកូន។ កីឡាកររបស់ Man Utd និង Liverpool បានចងក្រណាត់ខ្មៅនៅដៃអាវ ដើម្បីគោរពដល់ Ronaldo និងក្រុមគ្រួសាររបស់គាត់។

ការប្រកួត ដែលមិនមានវត្តមានរបស់ Ronaldo នៅក្រុម Man Utd បានបញ្ចប់ដោយលទ្ធផល Liverpool ឈ្នះ ៤-០ ដើម្បីឡើងឈរលើកំពូលតារាង Premier League នាំមុខ Man City ២ ពិន្ទុ។ គ្រាប់បាល់របស់ Livepool កើតឡើងដោយ Luis Diaz នៅនាទីទី៥, Salah នៅនាទី២២ និងនាទី៨៥ និង Sadio Mane នៅនាទី៦៨។

កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕

អត្ថបទទាក់ទង

អ្នកគាំទ្រ Liverpool ច្រៀង “YNWA” ជូន​គ្រួសារ​របស់ Ronaldo ដែល​បាត់បង់​កូនប្រុសម្នាក់

អ្នកគាំទ្រ Liverpool ច្រៀង “YNWA” ជូនគ្រួសាររបស់ Ronaldo ដែលបាត់បង់កូនប្រុសម្នាក់