ផ្លឹស-ខេអេក ញូវ

ដំណឹងល្អ! រកឃើញវត្តមានរបស់កូនផ្សោតថ្មី១ក្បាលទៀត នៅអន្លង់ផ្សោតកាំពី

សង្គម
April 23rd, 2022 (3 years)
Views: 394
Share

ក្រចេះ៖ កូនផ្សោតថ្មីមួយក្បាល ត្រូវបានប្រទះឃើញកំពុងហែលជាមួយសត្វផ្សោតធំៗចំនួន ៩ក្បាលទៀត នៅក្នុងដែនជម្រកធម្មជាតិនៃអន្លង់សត្វផ្សោតកាំពី ក្នុងខេត្តក្រចេះ កាលពីថ្ងៃទី២២ ខែមេសា ឆ្នាំ២០២២។

ការរកឃើញវត្តមានរបស់កូនផ្សោតថ្មីនេះ ធ្វើឡើងអំឡុងពេលចុះអនុវត្តការស្រាវជ្រាវតាមដងទន្លេមេគង្គរបស់ក្រុមអ្នកជំនាញស្រាវជ្រាវ និងតាមដានសត្វផ្សោតនៃរដ្ឋបាលជលផល និងអង្គការមូលនិធិសកលសម្រាប់អភិរក្សធម្មជាតិ WWF។

ក្រុមអ្នកស្រាវជ្រាវ បានប៉ាន់ប្រមាណថា សត្វផ្សោតថ្មីនេះមានអាយុទើបតែ ៥ថ្ងៃប៉ុណ្ណោះ ហើយជាកូនសត្វផ្សោតទី២សម្រាប់ឆ្នាំ២០២២នេះ។

សត្វផ្សោតទន្លេមេគង្គត្រូវបានចាត់ថ្នាក់ក្នុងបញ្ជីក្រហមរបស់អង្គការ IUCN ជាប្រភេទសត្វរងគ្រោះថ្នាក់ជិតផុតពូជបំផុត។ លទ្ធផលនៃជំរឿនសត្វផ្សោតទន្លេមេគង្គក្នុងឆ្នាំ២០២០ ដោយរដ្ឋបាលជលផល និងអង្គការ WWF បានបង្ហាញថា មានសត្វផ្សោតចំនួនត្រឹមតែ៨៩ក្បាលប៉ុណ្ណោះដែលកំពុងរស់នៅក្នុងទន្លេមេគង្គកម្ពុជា៕

អត្ថបទទាក់ទង

ដំណឹងល្អ! រកឃើញ​វត្តមាន​របស់​កូនផ្សោតថ្មី​១ក្បាលទៀត នៅអន្លង់ផ្សោតកាំពី

ដំណឹងល្អ! រកឃើញវត្តមានរបស់កូនផ្សោតថ្មី១ក្បាលទៀត នៅអន្លង់ផ្សោតកាំពី