ផ្លឹស-ខេអេក ញូវ

ធ្លាប់តែឃើញគេរិះគន់ពីសម្រស់របស់តារាសម្តែងស្រី Dilraba Dilmurat មិនចេះចប់ ឥលូវនេះមកមើលពីសម្រស់កាលនៅក្មេងរបស់នាងម្តងទើបដឹង

កម្សាន្ត
April 25th, 2022 (3 years)
Views: 307
Share

ចិន៖ កន្លងមក តារាពហុជំនាញ Dilraba Dilmurat ធ្លាប់តែទទួលបានការរិះគន់លើរូបសម្រស់របស់នាងថាចាស់ជាងវ័យ ស្បែកមិនស្អាត មានស្នាមតាំងពីក្បាលដល់ចុងជើង ដោយរូបភាពស្រស់ស្អាតដែលគ្រប់គ្នាបានឃើញកន្លងមកបានពីកម្មវិធីកែរូបជួយប៉ុណ្ណោះ។

យ៉ាងណាមិញ បើក្រលេកមើលរូបភាពរបស់ Dilraba Dilmurat កាលនៅជាសិស្សទើបដឹងថា តារាស្រីរូបនេះពិតជាមានសម្រស់ស្រស់ស្អាតមិនប្រែប្រួលឡើយ រូបរាងស្តើង ខ្ពស់ ជាពិសេសច្រមុះស្រួចរបស់នាងបានក្លាយជាទីចាប់អារម្មណ៍របស់មហាជនជាខ្លាំង។

បើទោះជាកន្លងទៅអស់រយៈពេលជាច្រើនឆ្នាំហើយក៏ពិតមែន តែ Dilraba ហាក់មិនប្រែប្រួលបន្តិចឡើយ។ ផ្ទុយទៅវិញនាងមានតែអភិវឌ្ឍខ្លួនឯងឱ្យកាន់តែស្រស់ស្អាតដោយប្តូរពីសម្រស់បែបក្មេងស្រីជំទង់ម្នាក់ មកជាសម្រស់បែបម្ចាស់ក្សត្រិយ៍ដែលធ្វើឱ្យគ្រប់គ្នាសម្លឹងមើលមិនដាក់ភ្នែកឡើយ។

គួរបញ្ជាក់ដែរថា បន្ទាប់ពីចូលប្រលូកក្នុងវិថីសិល្បៈជាង ៨ឆ្នាំមកនេះបានធ្វើឱ្យ Dilraba ទទួលបានជោគជ័យគួរឱ្យកត់សម្គាល់ ព្រោះជាក់ស្តែង នាងមិនត្រឹមតែមានរូបសម្រស់ស្រស់ស្អាតប៉ុណ្ណោះទេ ប៉ុន្តែបើនិយាយពីសមត្ថភាពសិល្បៈវិញនាង មានជំនាញជាច្រើនដែលធ្វើឱ្យ Dilraba កាន់តែទទួលបានការចាប់អារម្មណ៍បានយ៉ាងឆាប់រហ័សថែមមួយកម្រិតទៀត។

ចង់ដឹងថា តារាស្រីរូបនេះមានសម្រស់មិនប្រែប្រួលបែបណា តោះទៅទស្សនារូបភាពទាំងអស់គ្នា៕

អត្ថបទទាក់ទង