ព័ត៌មានថ្មី
- ត្រលប់ទៅរដូវកាលទី៣ ការប្រកួតដែលគ្រឿងផ្សំពណ៌ខ្មៅក្នុងផ្ទះបាយ MasterChef Cambodia (មានវីឌីអូ)
- ឱកាសដ៏កម្រ! កម្មវិធី កម្លាំងគោជល់ ដែលទទួលការឧបត្ថម្ភផ្ដាច់មុខដោយ Red Bull នឹងឆ្ពោះទៅកាន់ទីតាំងទីពីរនាចុងសប្ដាហ៍នេះ ទទួលពាក្យនៅសួនមាត់ទន្លេ ក្រុងកំពង់ចាម
- ក្រុមបាល់ទាត់ Angkor United លើកពានក្នុងកម្មវិធីប្រកួតដ៏ធំរបស់ Ian Thompson Memorial Tournament ដោយបានបង្ហាញអំពីមនោសញ្ចេតនាបាល់ទាត់ និងភាពជាដៃគូ
- លោក ឃួន សំអន សម្រេចក្ដីស្រមៃដ៏អស្ចារ្យ សង់ផ្ទះថ្មី បំពេញបំណងក្រោយក្លាយជាម្ចាស់ជ័យលាភី MasterChef
- «សមរភូមិសំណើច» សប្ដាហ៍នេះ ជួបជាមួយការតេស្តសមត្ថភាពពិតៗរបស់ក្រុមផ្ការីកគ្រប់រដូវ ក្នុងការប្រកួតមិត្តភាពជាលើកដំបូង!
Liverpool ឡើងទៅវគ្គផ្ដាច់ព្រ័ត្រ UCL ជាលើកទី១០
- កីឡា
- May 4th, 2022 (3 years)
Liverpool បានវាយបកយកឈ្នះលើក្រុមម្ចាស់ផ្ទះ Villarreal ឈានទៅកាន់វគ្គផ្តាច់ព្រ័ត្រ Champions League កាលពីយប់មិញ។
ក្រុមហង្សក្រហមបានយកឈ្នះ ២-០ ក្នុងជើងទីមួយ ប៉ុន្តែ Villarreal បានវាយបកតាមស្មើ២គ្រាប់មកវិញ ត្រឹមនាទីទី៤១ នៅជើងទីពីរ។ កីឡាករ Boulaye Dia បានស៊ុតបាល់បញ្ចូលទីគ្រាប់ដំបូងរបស់ Villarreal បន្ទាប់ពីការប្រកួតចាប់ផ្ដើមបាន ៣នាទីប៉ុណ្ណោះ មុនពេលដែលអតីតខ្សែបម្រើ Arsenal កីឡាករ Francis Coquelin រកបាន១គ្រាប់ទៀតនៅចុងវគ្គទីមួយ។
Liverpool បានកែប្រែស្ថានការណ៍នៅវគ្គទីពីរ នៅពេលដែល Fabinho បានធ្វើឱ្យពួកគេនាំមុខវិញ ដោយការស៊ុតបញ្ចូលទីកាត់អ្នកចាំទី Geronimo Rulli នៅនាទី៦២ របស់ Villarreal ។ Luis Diaz ត្រូវបានប្ដូរចូលជំនួស Diogo Jota ដោយបានជួយឱ្យពួកគេនាំមុខ ២គ្រាប់ ជាមួយនឹងការតែត។ Sadio Mane បានធានាកៅអីរបស់ Liverpool ក្នុងវគ្គផ្តាច់ព្រ័ត្រ Champions League ជាលើកទី៣របស់ពួកគេ ក្នុងរយៈពេល៥រដូវកាល ជាមួយនឹងគ្រាប់បាល់ទី៣។ Villarreal បានទទួលបានកាតក្រហម សម្រាប់កីឡាករ Capoue ។
ក្រុមហង្សក្រហម នឹងប្រកួតជាមួយ Manchester City ឬ Real Madrid នៅកីឡដ្ឋាន Stade de France ក្នុងទីក្រុងប៉ារីស។
គ្មានក្រុមអង់គ្លេសណាដែលឈ្នះពាន Champions League, Premier League, FA Cup និង League Cup ក្នុងរដូវកាលតែមួយនោះទេ ប៉ុន្តែ Liverpool ចង់បង្កើតប្រវត្តិសាស្ត្រនេះជាលើកដំបូង។
នេះគឺជាលើកទី១០ ដែល Liverpool បានឈានដល់វគ្គផ្តាច់ព្រ័ត្រនៃពានរង្វាន់ European Cup ឬ Champions League ខណៈពួកគេ មានបំណងក្លាយជាជើងឯកអឺរ៉ុបជាលើកទី៧ បន្ទាប់ពីជោគជ័យក្នុងឆ្នាំ១៩៧៧, ១៩៧៨, ១៩៨១, ១៩៨៤, ២០០៥ និង ២០១៩ ។
ពួកគេមានឈ្នះពានរង្វាន់ Carabao Cup បន្ទាប់ពីបានផ្តួល Chelsea ដោយការស៊ុតបាល់ប៉េណាល់ទីកាលពីខែកុម្ភៈ ហើយ Liverpool នឹងជួបជាមួយក្រុមតោខៀវ ម្តងទៀតនៅកីឡដ្ឋាន Wembley សម្រាប់ការប្រកួតវគ្គផ្តាច់ព្រ័ត្រ FA Cup នៅពាក់កណ្ដាលខែឧសភានេះ។
កុំភ្លេចរង់ចាំទស្សនាការប្រកួតនៃក្របខណ្ឌ Premier League នៅ CTN និង MyTV បណ្ដើរ លេងឆាតកម្សាន្តបណ្តើរ តាមរយៈតេឡាក្រាមលេខទូរសព្ទ +85578666500 ប៉ុន្តែកុំភ្លេចដាក់រូបភាពពិតប្រាកដរបស់លោកអ្នកនៅតេឡេក្រាមផង ពេលនោះលោកអ្នក នឹងអាចឃើញសាររបស់លោកអ្នកនៅលើកញ្ចក់ទូរទស្សន៍៕
អត្ថបទទាក់ទង
- March 20th, 2025
តើវិញ្ញាសាគ្រប់គ្រងភោជនីយដ្ឋាន នៅក្នុងកម្មវិធី MasterChef ?
- March 19th, 2025
រំឭកឡើងវិញ៖ អយស្ទ័រ គ្រឿងផ្សំគោលក្នុងកម្មវិធី MasterChef Cambodia
MasterChef Cambodia
RED BULL POWER
