ផ្លឹស-ខេអេក ញូវ

ក្រសួងការងារ ណែនាំពីការគិតប្រាក់បន្ថែមម៉ោងសម្រាប់ការធ្វើការនៅថ្ងៃបុណ្យចំថ្ងៃអាទិត្យ

សង្គម
May 4th, 2022 (3 years)
Views: 258
Share

ភ្នំពេញ៖ យោងមាត្រា១៦២ថ្មី នៃច្បាប់ស្តីពីការងារ ក្រសួងការងារ និងបណ្តុះបណ្តាលវិជ្ជាជីវៈ ណែនាំដល់ ម្ចាស់ ឬនាយករោងចក្រ សហគ្រាស កម្មករនិយោជិត និងអង្គការវិជ្ជាជីវៈគ្រប់ជាន់ថ្នាក់ទាំងអស់ដែល ស្ថិតក្នុងដែនអនុវត្តនៃច្បាប់ស្តីពីការងារឱ្យបានជ្រាបថា ថ្ងៃឈប់បុណ្យដែលមានប្រាក់ឈ្នួលចំលើថ្ងៃអាទិត្យ មិនត្រូវបានលើកទៅឈប់សម្រាកនៅថ្ងៃបន្ទាប់ឡើយ។

ប្រសិនបើកម្មករនិយោជិត និងនិយោជកឯកភាពគ្ន មកធ្វើការបន្ថែមម៉ោងនៅថ្ងៃឈប់បុណ្យដែលមានប្រាក់ឈ្នួលចំលើថ្ងៃអាទិត្យ នោះនិយោជកត្រូវគិតការធ្វើការបន្ថែមម៉ោងនោះក្នុងអត្រាស្មើនឹង ២០០% (ពីររយភាគរយ) ឬ ២(ពីរ)ដង នៃប្រាក់ឈ្នួលថ្ងៃធ្វើការធម្មតា។

ក្រសួងបានបន្តថា ឧទាហរណ៍កម្មករនិយោជិតម្នាក់មានប្រាក់ឈ្នួលសុទ្ធសាធប្រចាំខែ ២០០ដុល្លារ ក្នុងមួយខែ។ នៅថ្ងៃទី១ ខែឧសភា ឆ្នាំ២០២២ ជាថ្ងៃឈប់បុណ្យដែលមានប្រាក់ឈ្នួលចំលើថ្ងៃអាទិត្យ កម្មករ និយោជិតនោះនៅតែទទួលបានប្រាក់ឈ្នួលចំនួន ២០០ដុល្លារ ក្នុងមួយខែដដែល។ ប្រសិនបើ កម្មករនិយោជិតនោះ ស្ម័គ្រចិត្តមកធ្វើការបន្ថែមនៅថ្ងៃឈប់បុណ្យដែលជាថ្ងៃអាទិត្យនោះ កម្មករនិយោជិតត្រូវ ទទួលបានប្រាក់ឈ្នួលបន្ថែមម៉ោងនោះក្នុងអត្រាស្មើនឹង ២០០% (ពីរយភាគរយ) ឬ ២(ពីរ)ដង នៃប្រាក់ឈ្នួល ថ្ងៃធ្វើការធម្មតា។ ដូច្នេះ កម្មករនិយោជិតនោះ ត្រូវទទួលបានប្រាក់ឈ្នួល ២១៥,៣៨ដុល្លារ៕

អត្ថបទទាក់ទង

ក្រសួងការងារ ណែនាំ​ពី​ការគិតប្រាក់​បន្ថែម​ម៉ោង​សម្រាប់​ការធ្វើការ​នៅ​ថ្ងៃបុណ្យ​ចំថ្ងៃអាទិត្យ

ក្រសួងការងារ ណែនាំពីការគិតប្រាក់បន្ថែមម៉ោងសម្រាប់ការធ្វើការនៅថ្ងៃបុណ្យចំថ្ងៃអាទិត្យ