ផ្លឹស-ខេអេក ញូវ

ក្រសួងសុខាភិបាលវៀតណាម បញ្ជាឱ្យតាមដានជំងឺរលាកថ្លើមដ៏អាថ៌កំបាំង ដែលបានឆក់ជីវិតកុមារ៩នាក់

សង្គម
May 13th, 2022 (3 years)
Views: 119
Share

វៀតណាម៖ ក្រសួងសុខាភិបាលនៃប្រទេសវៀតណាម បានស្នើសុំឱ្យអាជ្ញាធរពាក់ព័ន្ធយកសំណាកអ្នកជំងឺដែលសង្ស័យថា បានឆ្លងជំងឺរលាកថ្លើមស្រួចស្រាវ ដែលមិនស្គាល់ប្រភពដើមច្បាស់លាស់ ដើម្បីការពារការផ្ទុះឡើង ប្រសិនបើជំងឺនេះនៅក្នុងប្រទេស។

គិតត្រឹមថ្ងៃទី៧ ខែឧសភា កុមារប្រហែល ២៧៨នាក់ដែលមានអាយុមិនដល់១ខួប ដល់ ១៦ឆ្នាំនៅក្នុងប្រទេសវៀតណាម យ៉ាងហោចណាស់ ២០នាក់ ត្រូវបានធ្វើរោគវិនិច្ឆ័យថាមានជំងឺរលាកថ្លើមប្រភេទស្រួចស្រាវដ៏អាថ៌កំបាំង។ យ៉ាងហោចណាស់ កុមារ ៩នាក់ក្នុងចំណោមកុមារទាំងនេះ បានស្លាប់។

ដោយមើលឃើញពីគ្រោះថ្នាក់នៃជំងឺនេះ ក្រសួងសុខាភិបាលវៀតណាម បានណែនាំដល់អង្គភាពពាក់ព័ន្ធ ឱ្យតាមដានស្ថានភាពឱ្យបានដិតដល់ និងយកសំណាកអ្នកជំងឺដែលសង្ស័យ។

អង្គការសុខភាពពិភពលោក (WHO) និងមជ្ឈមណ្ឌលអឺរ៉ុបសម្រាប់ការបង្ការ និងគ្រប់គ្រងជំងឺ បានបង្ហាញថា មេរោគ Adenovirus ត្រូវបានរកឃើញនៅក្នុងអ្នកជំងឺជាច្រើន ប៉ុន្តែការសិក្សាបន្ថែមទៀត ត្រូវការជាចាំចាច់ ដើម្បីកំណត់ពីមូលហេតុពិតប្រាកដ។

មេរោគ adenovirus មិនមែនជាមេរោគថ្មីទេ លោក Nguyen Pham Anh Hoa វេជ្ជបណ្ឌិតជាន់ខ្ពស់នៅមន្ទីរពេទ្យកុមារជាតិវៀតណាមនៅទីក្រុងហាណូយ បានបញ្ជាក់ថា មេរោគនេះត្រូវបានរកឃើញកាលពីឆ្នាំ១៩៥៣ និងមាន ៥៧ប្រភេទ។

មេរោគអាចបណ្តាលឱ្យឈឺភ្នែក រលាកសួត ផ្តាសាយ និង រាករូស។ វាក៏ជាមូលហេតុមួយនៃការឆ្លងមេរោគផ្លូវដង្ហើមចំពោះមនុស្សពេញវ័យ និងការខូចខាតក្រពះពោះវៀនចំពោះកុមារ៕

អត្ថបទទាក់ទង

ក្រសួងសុខាភិបាល​វៀតណាម បញ្ជា​ឱ្យ​តាមដាន​ជំងឺរលាកថ្លើម​ដ៏​អាថ៌កំបាំង ដែល​បាន​ឆក់ជីវិត​កុមារ​៩នាក់

ក្រសួងសុខាភិបាលវៀតណាម បញ្ជាឱ្យតាមដានជំងឺរលាកថ្លើមដ៏អាថ៌កំបាំង ដែលបានឆក់ជីវិតកុមារ៩នាក់