ព័ត៌មានថ្មី
- ដាឡែត រំឭកពេលវេលាដែលមិនអាចបំភ្លេចបាននៅក្នុងផ្ទះបាយ MasterChef Cambodia
- ពេលវេលាដ៏លេចធ្លោរបស់ Judge Jessica នៅក្នុងរដូវកាលទី៣សប្ដាហ៍ទី២០ ត្រូវបានបង្ហាញលើផ្ទាំងគំនូរដ៏ស្រស់ស្អាតរបស់សំអន
- ឆាប់ៗនេះ សមាសភាពរបស់បេក្ខភាព កម្លាំងគោជល់ ដែលឧបត្ថម្ភដោយ Red Bull នឹងត្រូវបង្ហាញ!
- «សមរភូមិសំណើច» ទីបំផុតកំពូលបុគ្គលិករបស់ក្រុមផ្ការីកគ្រប់រដូវបានស្គាល់ជាតិជិះឧទ្ធម្ភាគចក្រហើយ!
- នេះគ្រាន់តែជាការតេស្តដំបូងប៉ុណ្ណោះ! កម្លាំងគោជល់ ដែលឧបត្ថម្ភផ្ដាច់មុខដោយ Red Bull សន្យាថានឹងមានវិញ្ញាសាកាន់តែប្លែកនៅវគ្គបន្ទាប់!
អ្នកនេសាទ ចាប់បានត្រីបបែលយក្សទឹកសាប១ក្បាលទៀត ក្នុងទន្លេមេគង្គខេត្តស្ទឹងត្រែង
- សង្គម
- May 24th, 2022 (3 years)
ស្ទឹងត្រែង៖ ជលផលខេត្តស្ទឹងត្រែង និងគម្រោងអច្ឆរិយមេគង្គសហការជាមួយវិទ្យាស្ថានស្រាវជ្រាវ និងអភិវឌ្ឍន៍ជលផលទឹកសាប (IFREDI) បានព្រលែងត្រីបបែលទឹកសាបយក្សមួយក្បាលចូលក្នុងទន្លេវិញ កាលពីថ្ងៃទី២៣ខែឧសភា ក្រោយពីអ្នកនេសាទចាប់បាន ដែលមានទម្ងន់ប្រមាណ ១៤៣គីឡូក្រាម ក្នុងទន្លេមេគង្គ កាលពីល្ងាចថ្ងៃទី២២ ខែឧសភា ឆ្នាំ២០២២ នៅចំណុចភូមិកោះព្រះ ឃុំកោះព្រះ ស្រុកសៀមបូក ខេត្តស្ទឹងត្រែង។
កាលពីថ្ងៃទី៥ ខែឧសភា ត្រីបបែលយក្សមួយក្បាល មានទម្ងន់ជិត ២០០ គីឡូក្រាម ក៏បានធ្វើការដោះលែងទៅវិញផងដែរ។ ចំណែក ត្រីបបែលយក្សញីមួយក្បាល ដែលអ្នកនេសាទទើបតែចាប់នេះ មានទម្ងន់ ១៤៣គីឡូក្រាម ទទឹងដងខ្លួន ១៧១សង់ទីម៉ែត្រ និងបណ្តោយដងខ្លួន ១៨១សង់ទីម៉ែត្រ និងប្រវែងដងខ្លួនសរុប (ពីចុងច្រមុះដល់ចុងកន្ទុយ) ៣៦៥សង់ទីម៉ែត្រ។
ត្រីបបែលយក្សប្រភេទនេះ មានរស់នៅក្នុងទន្លេមេគង្គកម្ពុជា ក្នុងខេត្តក្រចេះ និងខេត្តស្ទឹងត្រែង។ វាអាចធំលូតលាស់ដល់ប្រវែងទទឹងដងខ្លួន ២៤០សង់ទីម៉ែត្រ និងមានទម្ងន់រហូតដល់ ៦០០គីឡូក្រាម។ ត្រីបបែលយក្សប្រភេទនេះ ស្ថិតក្នុងបញ្ជីក្រហម របស់សហភាពអន្តរជាតិសម្រាប់ការអភិរក្សធម្មជាតិ៕
អត្ថបទទាក់ទង
MasterChef Cambodia
RED BULL POWER
