ផ្លឹស-ខេអេក ញូវ

ខ្មាន់កំាភ្លើងវ័យជំទង់បាញ់រះនៅឯសាលាបឋមសិក្សាមួយកន្លែងក្នុងរដ្ឋតិចសាស់បណ្ដាលអោយក្មេងសិស្សសាលាស្លាប់ ១៩នាក់

សង្គម
May 25th, 2022 (3 years)
Views: 434
Share

សហរដ្ឋអាម៉េរិក៖ ខ្មាំងកាំភ្លើងវ័យក្មេងអាយុ ១៨ឆ្នាំមួយរូបបានបើកការបាញ់រះនៅឯសាលាបឋមសិក្សា Robb ក្នុងទីក្រុង Uvalde រដ្ឋតិចសាស់សហរដ្ឋអាម៉េរិកនាព្រឹកព្រលឹមនិងបានបណ្ដាលអោយមនុស្សជាច្រើននាក់បានបាត់បង់ជីវិត មុននិងត្រូវកម្លាំងមន្រ្តីអនុវត្ដច្បាប់បាញ់សម្លាប់លើខ្មាន់កំាភ្លើងរូបនោះ នេះបើតាមការអោយដឹងពីបណ្តញផ្សព្វផ្សាយព័ត៌មានរបស់អាម៉េរិក។

ក្រុមអ្នកស៊ើបអង្កេតនៅកន្លែងកើតហេតុបានបញ្ជាក់អោយដឹងដែរថា ខ្មាំងកាំភ្លើងខាងលើនេះបានប្រើប្រាស់នូវកំាភ្លើងស្វ័យប្រវត្តិ និងរួមមានទាំងកាំភ្លើងដៃមួយដើមផងដែរ។

គួរបញ្ជាក់ថា ករណីបាញ់ប្រហារនៅក្នុងសាលារៀនដែលមានសិស្សភាគច្រើនជាកូនក្មេងនោះ គឺកម្រនឹងកើតមាននៅក្នុងសហរដ្ឋអាម៉េរិកខ្លាំងណាស់ រីឯការបាញ់ប្រហារដែលកើតមាននៅពេលនេះ គឺស្របពេលដែលបញ្ហាអំពើហិង្សាដោយការបាញ់ប្រហារនៅសហរដ្ឋអាម៉េរិកបាននិងកំពុងកើនឡើងនៅទូទាំងប្រទេស។

ដោយឡែកបើតាមព័ត៌មានជាបឋមពីក្រុមអាជ្ញាធរក៏បានបន្ថែមអោយដឹងថា ខ្មាំងកាំភ្លើនវ័យជំទង់ខាងលើនេះអាចជាសិស្សនៅវិទ្យាល័យណាមួយនៅក្នុងតំបន់មួយនេះ ហើយរូបគេក៏ប្រហែលជាអ្នកជនដៃដល់ដែលបានសម្លាប់ជីដូនបង្កើតរបស់ខ្លួន មុននិងបន្តបើកការបាញ់រះទាំងកំរាលនៅក្នុងបរិវេណសាលាបឋមសិក្សាខាងលើនេះ និងក្រោយមកក៏ត្រូវបានកងកម្លាំងល្បាតព្រំដែនដែលស្ថិតនៅក្បែរនោះស្ទុះទៅកន្លែងកើតហេតុការណ៍និងបានបាញ់សម្លាប់ខ្មាន់កាំភ្លើងរូបនេះនៅក្នុងកន្លែងកើតហេតុតែម្តង។

ប្រែសម្រួល៖ វ័រ តុលា

អត្ថបទទាក់ទង