×

Michael Owen ថា Liverpool នឹងអាច​សងសឹក Real Madrid នៅ​វគ្គផ្ដាច់ព្រ័ត្រ UCL

Michael Owen ជឿជាក់លើ Liverpool ក្នុងការយកឈ្នះ Real Madrid ក្នុងលទ្ធផល ៣-១ ក្នុងការប្រកួតវគ្គផ្តាច់ព្រ័ត្រ Champions League នៅទីក្រុងប៉ារីស។

ក្រុមហង្សក្រហម បានឈានជើងចូលទៅក្នុងការប្រកួតនេះ ក្រោយការខកចិត្តនៅពេលដែលក្រុម Manchester City បានលើកពាន Premier League កាលពីថ្ងៃអាទិត្យ ដោយក្រុមរបស់លោក Pep Guardiola បានបញ្ចប់ត្រឹមមួយពិន្ទុលើក្រុមរបស់លោក Jurgen Klopp ។

Liverpool ត្រូវការយកឈ្នះលើក្រុម Real Madrid ក្នុងទីក្រុងប៉ារីស នៅចុងសប្តាហ៍នេះ ដើម្បីធ្វើឱ្យវាក្លាយជាពានរង្វាន់ទី៣របស់ពួកគេ ក្នុងរដូវកាលនេះ បន្ទាប់ពីបានលើកពាន League Cup និង FA Cup រួចទៅហើយ។

ក្រុមរបស់លោក Jurgen Klopp នឹងតតាំងជាមួយក្រុមរបស់អ្នកចាត់ការ Carlo Ancelotti បន្ទាប់ពីពួកគេបានចាញ់ក្រុមអេស្ប៉ាញ ៣-១ ក្នុងការប្រកួតវគ្គផ្តាច់ព្រ័ត្រកាលពីឆ្នាំ២០១៨។

Real Madrid ដែលមានបំណងចង់ឈ្នះពានទ្វីបអឺរ៉ុបលើកទី១៤ បានឈ្នះពានរង្វាន់នៃក្របខណ្ឌ La Liga ដោយបញ្ចប់ ១៣ពិន្ទុពីលើក្រុមលេខ២ Barcelona។ ក្រុមយក្ស La Liga បានវាយបក ដើម្បីផ្តួលក្រុម Manchester City និងកក់កន្លែងរបស់ពួកគេនៅវគ្គផ្ដាច់ព្រ័ត្រ Champions League ។

ទោះជាយ៉ាងណាក៏ដោយ អតីតកីឡាកររបស់ Liverpool និងក្រុមអង់គ្លេស លោក Michael Owen បានព្យាករថា៖ “ខ្ញុំគិតថា Liverpool នឹងមានកម្លាំង ល្បឿន និងគុណភាពជាង Real ។

“ ខ្ញុំគិតថា Liverpool នឹងស៊ុតបញ្ចូលទីពីរបីគ្រាប់ដើម្បីទម្លុះប្រព័ន្ធការពារមួយ។ ៣-១ គឺជាការព្យាករណ៍របស់ខ្ញុំ៕”

អ្នកអាចចែករំលែកដោយ៖

អត្ថបទទាក់ទង