ផ្លឹស-ខេអេក ញូវ

អតីតម្ចាស់ក្លិប Chelsea នឹងត្រូវបានរឹបអូសយន្តហោះប្រណីតពីរគ្រឿងតម្លៃជិត៤០០លានដុល្លារ

កីឡា
June 7th, 2022 (4 years)
Views: 260
Share

អាមេរិក៖ តុលាការសហរដ្ឋអាមេរិក កាលពីថ្ងៃចន្ទ ទី៦ ខែមិថុនា បានចេញដីការឹបអូសយន្តហោះប្រណីតចំនួនពីរគ្រឿង ដែលមានតម្លៃជិត ៤០០លានដុល្លារ ដែលជាកម្មសិទ្ធិរបស់មហាសេដ្ឋីរុស្ស៊ី Roman Abramovich អតីតម្ចាស់ក្លិបបាល់ទាត់ Chelsea ក្រោមវិធានការរបស់សហរដ្ឋអាមេរិក បន្ទាប់ពីប្រតិបត្តិការយោធារបស់រុស្ស៊ីនៅអ៊ុយក្រែន។

មន្ត្រីក្រសួងយុត្តិធម៌អាមេរិក បាននិយាយថា យន្តហោះទាំងពីរគ្រឿង មាន Boeing 787 Dreamliner តម្លៃ ៣៥០លានដុល្លារ និង Gulfstream G650 ER តម្លៃ ៦០លានដុល្លារ ផលិតនៅសហរដ្ឋអាមេរិក។

ចៅក្រមនៅទីក្រុង Manhattan បានចេញដីកានេះ ក្រោមហេតុផលថា ជើងហោះហើរទាំងនេះ បានរំលោភលើវិធានការគ្រប់គ្រងការនាំចេញរបស់សហរដ្ឋអាមេរិក។

លោក Abramovich មិនទាន់ត្រូវបានទទួលទណ្ឌកម្មដោយផ្ទាល់ពីសហរដ្ឋអាមេរិកទេ។ ប៉ុន្តែ គាត់បានទទួលទណ្ឌកម្មពីសហភាពអឺរ៉ុប និង អង់គ្លេស ។ លោកបានលក់ក្លិបបាល់ទាត់ Chelsea នៅអង់គ្លេស កាលពីពេលថ្មីៗនេះ ក្រោយពីទណ្ឌកម្មរបស់រដ្ឋាភិបាលអង់គ្លេស ដែលទ្រព្យសម្បត្តិរបស់គាត់ ត្រូវបានបង្កកទាំងអស់៕

អត្ថបទទាក់ទង

អតីតម្ចាស់ក្លិប Chelsea នឹង​ត្រូវបាន​រឹបអូស​យន្តហោះ​ប្រណីត​ពីរគ្រឿង​តម្លៃ​ជិត៤០០លានដុល្លារ

អតីតម្ចាស់ក្លិប Chelsea នឹងត្រូវបានរឹបអូសយន្តហោះប្រណីតពីរគ្រឿងតម្លៃជិត៤០០លានដុល្លារ